無綫小生花旦外逃北上，偏偏劉璇要南下發展，在無綫拍攝第一套港劇《女拳》，拍攝三個月來日打夜打，幸好拍完馬上播，成績不太差，最高有32點收視。不過劉璇不打算再接再厲，她說：「都係休息吓先，一年一套好多喇。我拍嗰時已經好勤力，日日都唔夠瞓，以前做運動員都瞓得夠，我家慣咗拍劇搞到失眠。」
劇中黃宗澤暗戀劉璇，二人有不少對手戲，黃宗澤讚她捱得，黃宗澤說：「我記得我第一日開工係下晝，一見到第一場就係打，但佢朝頭早已經打完一場。我個角色唔多講嘢，佢個角色就好多嘢講，所以佢好怕同我對戲，乜都係佢講晒，但嗰期佢廣東話好好，最近又退步番。」黃宗澤還踢爆劉璇經常要吃藥，他說：「你咪以為佢係運動員身體好好，我見佢日日飲藥，真係一個藥煲。」
from:
http://hk.apple.nextmedia ... art_id=15123836
