41歲嘅徐若瑄(Vivian)，最近慘被蕁麻疹困擾，仲要忙住寫佢嘅新著作，忙到冇覺好瞓，但係無論幾忙都好，佢都會抽時間陪住個寶貝仔「李V寶」Dalton。
昨日凌晨，Vivian唔知係咪仲煩緊新作嘅稿，搞到佢失眠，跟手佢就喺facebook貼咗佢同Dalton嘅新相，相入面見到佢到Dalton一齊做運動，見到剛滿一歲嘅Dalton，好叻豬咁照住媽媽嘅動作一齊做，逗得靚媽鬼咁開心留言：「時間不眨眼，以前我抱著他運動，最近是他陪我運動，還會自己站好好模仿我的動作！」
有網民見到Vivian失眠就分享一啲幫助入睡嘅方法，有啲網民見到Dalton咁得意，就留意大讚佢：「這個年齡的小孩很多還不會站立，Dalton可厲害了，不只會站，還會模仿媽咪，以後媽咪運動就有伴了！！媽咪過去懷孕時的辛苦是值得的，Well done,Dalton！！」而同樣生咗早產BB嘅網民都感動留言：「看到妳把妳家寶貝養的那麼健康，讓我也很有信心，將來也可以把她養的白白胖胖，頭好壯壯的，謝謝妳的用心與分享。」
from:
http://hk.apple.nextmedia ... 160831/19754802
