徐若瑄劉燕妮遭毒打變豬頭

美女慘變豬頭！有「嫩版徐若瑄」之稱的退選港姐劉燕妮（Rika），早前參加ViuTV重頭節目女子格鬥真人騷《G1格鬥會》，據悉她在其中一場跟HotCha前成員黎美言（Winkie）對打的比賽時，Winkie竟出手狠毒，對住Rika雙眼及面部瘋狂攻擊，結果打到Rika左眼微絲血管爆裂，眼腫鼻腫，左邊嘴角瘀黑及滿面損傷，猶如被虐打般，令美女變成豬頭，而她的手指亦因打鬥而變形。據悉Rika左眼事後還出現飛蚊症，而當日比賽由Winkie勝出。

被Winkie打到變豬頭的Rika，左眼微絲血管爆裂，嘴唇瘀黑，連手指也被打到腫脹變形（右圖）。

「同Winkie不是朋友」

《G1格鬥會》為下個月6日免費電視台ViuTV開台的重頭戲，參賽者除Rika和Winkie外，還有鄧穎芝、唐紫睿（Hazel）、龍小菌、郭思琳、鄧洢玲和王蘊妮共8位靚女。惟節目未出街已經連番爆出是非，指Winkie經常遲到及出手太重太狠而被其他參賽者杯葛。

本報昨日致電Rika，對於是否被Winkie打到變豬頭，Rika說：「我係有一場係傷得好嚴重，但唔講得同邊個打。嗰場其實幾傷，眼爆咗微絲血管，醫生話需要一段時間康復，嘴瘀咗、鼻嗰幾日呼吸都幾困難。」可擔心毀容？Rika說：「冇驚毀容，係擔心嗰段時間工作，都因為傷而影響工作以致做唔到，𠵱家擔心隻眼為主。」Rika坦言受傷後躲在家中喊足幾日，幸現時傷勢已大致康復。

對於不少人跟Winkie不和，Rika坦言跟Winkie不是朋友：「同Winkie少接觸少交流，我同佢冇話特別好朋友，我都儘量少接觸。」記者曾致電Winkie，但未聯絡得上。

採訪：魯吉

Rika為了真人騷進行為期一個月的特訓。

Winkie以狠辣招式在其中一場對跟Rika對打賽事將對手K.O.。
from:http://hk.apple.nextmedia ... 160306/19518178

Rika（右）為拍格鬥真人騷被打到患上飛蚊症，Winkie就反擊：「比賽預咗受傷。」

【ViuTV開台】下月開台的ViuTV重頭節目女子格鬥真人騷《G-1格鬥會》昨於尖沙嘴開記招，參賽者劉燕妮（Rika）、鄧穎芝、黎美言（Winkie）和唐紫睿（Hazel）等均有出席。節目未出街已連番爆出是非，有指Winkie比賽時出手太狠毒而遭Hazel等人杯葛，尤其跟Rika最大牙齒印，二人對賽時Rika慘被Winkie打到變豬頭。

Rika（右）被Winkie打到變豬頭（右圖）。

對手挑釁好難忍

昨日Rika、Winkie等人在台上未見有交流，當司儀問眾人有否受傷時，Rika表示：「自己打嘅時候曾經毀咗容，手都斷咗，𠵱家睇緊跌打，到𠵱家後遺症係眼仲有飛蚊症。」之後記者邀Rika與Winkie一同訪問，對於打傷Rika，Winkie明寸Rika說：「比賽得預咗受傷，大家都簽晒生死狀，自己唔會將傷勢放大。」對於被指犯眾憎，Winkie說：「有聽過不利自己嘅新聞，參加呢個騷已好大壓力，節目出街後就可以睇到，知我冇做過乜唔好。」

但Rika卻指比賽時遇上憤怒事：「比賽係應該有體育精神，比賽時受傷我接受，但對手講挑釁說話就會唔開心，對手下下打眼同鼻，對我嘅傷害同陰影係好大。」她表示醫生指飛蚊症有機會變成永久性，說罷忍不住當場落淚。

屢傳是非的ViuTV節目《G-1格鬥會》開記招，現場充滿火藥味。

Hazel留低為報仇

Hazel受訪時直指拍完《格鬥會》後發覺電視圈黑暗：「大家為爭出位真係可以拳拳到肉，就算台下扮晒friend話唔打面，但上到台都係一拳打埋嚟，真人騷簡直好似一塊照妖鏡。」問Winkie是否犯眾憎時，Hazel寸爆說：「節目裏邊有自己最好朋友，佢一定唔係朋友。Rika係我好朋友，我本身諗住退賽，但睇到Rika受傷咁犀利，好心痛，因為咁先繼續參加呢個比賽，決心為佢報仇。」

據悉龍小菌和郭思琳跟Winkie份屬好友，昨日活動結束後，小菌在facebook力撐好友，暗指Rika和Hazel博宣傳。

採訪：譚倩宜
攝影：仇志德
from:http://hk.apple.nextmedia ... 160307/19519051

徐若瑄經過一番努力，身形回復苗條。互聯網圖片
高齡媽媽徐若瑄（Vivian）之前卧床陀B多月，上年8月誕下囝囝Dalton後，一直專心留在新加坡湊BB，最近終於復工了。Vivian昨日在Ig貼了一幅開工相留言：「開工！久違的一年三個月！」她穿上冷帽、衞衣及牛仔褲，估計她返了台灣工作，但她極速收身，所穿的鬆身牛仔褲中，隱約露出纖瘦雙腿的火柴線條。

之前Vivian陀B時，因卧床重了18公斤，產後積極收身，不時上舉重、Pilates課程，早前更迷上玩直輪滾軸運動，相當見效，目測她的體形應已回復未生之前，不少網友留言大讚她「好瘦好美」、「鋼鐵V就是不一樣！恢復得很快超棒的。」

撰文：唐如
from:http://hk.apple.nextmedia ... 160313/19527272