陶傑執導、徐天佑和盛朗熙主演的《愛．尋．迷》大前晚在銅鑼灣拍外景，拍攝中途波蘭領事來到現場探班，原來波蘭贊助了一些琥珀首飾供《愛》片拍攝，所以該國駐港領事前來探班時，陶傑熱情招待領事到附近酒店見面。
徐天佑（右）與盛朗熙（左）大前晚在銅鑼灣拍攝陶傑執導的《愛．尋．迷》。
「露而不骨」
《愛》片是一部土產港片，講述港人對生活的焦慮、虛妄、情慾和壓抑之故事，陶傑表示：「𠵱家香港人太大壓抑啦！冇真普選、庸官又唔肯下台，所以我想拍一部香港人嘅故事，至於戲中嘅情慾鏡頭係露而不骨，今朝徐天佑同盛朗熙就拍床上戲，但唔算好露，我都希望女性觀眾可以啱睇。不過我特別要讚吓新人盛朗熙，佢演床戲，演技一流，因為床戲拍得壓抑，佢倆個都要做好多內心戲，好彩佢都掌握到。」
陶傑（左二）、徐天佑和盛朗熙在酒店與兩位波蘭領事會面。
盛朗熙在片中被小孩弄污衣服。
徐天佑在戲中演一位患有抑鬱症的中文系講師，為了演這部戲，他做了很多資料搜集，天佑表示：「我覺得呢個角色好有發展空間，情慾場面拍得好壓抑，但我唔使好暴露。」今年23歲的盛朗熙被陶傑欽點做《愛》片女主角，問到她演床戲會否尷尬？她說：「接劇本時，我都唔知對手係邊個，後來見到天佑，佢不斷教我做戲，加上第一日開工唔係拍床戲，等大家熟絡後先拍，感覺上發揮係好啲！」
from:
http://hk.apple.nextmedia ... 130729/18353462
