《大太監》播出後，收視真係唔錯，依家只係播到一半咋，已有觀眾喺度估大結局係點？監製話李蓮英下場傳言好多，有人話佢最後臨老出宮時死於非命，所以《大太監》唔會拍到咁detail。至於其他人下場，可以講係冇個好。唯一係胡定欣嘅倩蓉一係俾人殺死、一係再嫁，又可能削髮為尼。拍咗兩個版本，到時由觀眾選擇。
生死未卜~宮女倩蓉有兩個版本，到時真係要睇最後個結局。
終生到老~李蓮英自言一生係奴才，無論主子有咩事都唔會離開，最後雖然慈禧死咗，李蓮英依然獨守皇宮到死。
變民女做御醫
陳茵媺呢個和碩公主同黃浩然斬情絲後，遠嫁邊疆將軍。黃浩然則繼承上三代為醫志願做御醫。
被斬頭~安德海（曹永廉）得西太后米雪重用，權傾朝野，後尾居然打壓恭親王，挑撥西太后，最後搞到身首異處慘死。
