[醫療保健] 點解踎低起身見頭暈？

如果你曾經試過踎低起身見頭暈，嚴重嘅甚至試過暈倒，咁可能你已患上「直立性低血壓」。

由於腦部需要足夠嘅血液，先能夠輸送足夠嘅葡萄糖同氧氣令佢正常運作。如果患者嘅血壓偏低，加上地心吸力，再由一個坐着或者躺着嘅姿勢，迅速變換另一個姿勢（如站立）時，都會令腦部嘅血液減少，因而導致頭暈、視力模糊同乏力等情況。當身體適應低血壓（大約一分鐘）之後，就會回復正常。

要改善情況，最主要係改善體質，增加鈉嘅攝取量，例如攝取多啲鹽分。仲有，一定要多飲水，因為水分可增加血容量，有助吸收多啲養分架！

中醫師譚莉英指，夜瞓會導致氣血虛弱。資料圖片
【中醫之言】
經常易暈、易累及精神不振，以中醫學角度而言，或是由氣血虛弱及不足引起。中醫師表示，氣血虛弱情況非常普遍，女士尤為明顯，服用補氣血湯水調理有助改善。部份人常有「踎低起身見頭暈」情況，則可能因氣滯血瘀所致，血行不順才見暈，也可能本身患有頸椎病，頸部經絡被堵塞，血液無法順暢流向腦部，才會出現頭暈症狀。

或頸椎移位所致

註冊中醫師譚莉英指出，都市人生活繁忙，「夜瞓」及過勞均會導致氣血虛弱，症狀包括精神不振、口淡、怕冷、易累及嗜睡等，「有時唔係懶，係能量不足，起床時提唔起勁起身」。她說，也有部份女士因減肥而偏食，導致營養不均，因而出現氣血虛弱情況，更會令記憶及思考能力減退。氣血不足除易累外，因血液無法流通全身，也會有手痹腳痹症狀，經期間的女士尤其明顯。氣血虛弱及不足人士，可服用補身及補氣血藥材調理，如當歸、北芪、黨參及靈芝等。

除氣血虛弱外，氣滯血瘀也會因血液運行不夠暢通，導致「踎低起身」便頭暈，更會伴隨食慾不振，有情緒問題如鬱鬱不歡或容易暴躁等，可服食有化瘀功能的木耳及田七。此外，經絡堵塞也會令人易頭暈，如小朋友經常揹着沉重的書包，有機會令頸椎移位，導致血液無法流向腦部，矯正頸椎問題後會有改善。

記者伍雅謙
from:http://hk.apple.nextmedia ... 150226/19055372