頭痛、頭暈、「頸梗膊痛」是香港人的「通病」，不想長期與止痛藥為伍，可以試試拉筋治病。註冊中醫師解釋，拉筋治病歷史悠久，改善氣血循環，對肌肉問題及內科病特別有療效。
記者：張嘉雯
根據中醫學說，人體的經絡系統包括12經筋，泛指肌肉、筋、筋膜、軟組織及淋巴組織。註冊中醫師談耀永指，古代的《易筋經》講求舒展經筋，原理正是拉筋，跟瑜伽、八段錦很相似，「順住經筋嘅走向拉鬆，令氣血循環好啲，可以運行全身，精神啲、身體好啲，有利關節」。人體有12條主要經筋，由腳跟至腰頸三條「足陽經」、上身手部三條「手陰經」、三條「手陽經」，以及下身三條「足陰經」。
談耀永指，拉筋對於頸椎病、肩周炎、腰痛、坐骨神經痛、長短腳等毛病最有幫助，亦可紓緩免疫系統失調引起的強直性脊椎炎，「呢種都係脊柱炎症，拉筋可消除炎症，盡早截斷炎症蔓延」。
此外，拉筋亦可預防因脊椎交感神經受壓而引起的內科病症，「例如頭暈、頭痛、高血壓、失眠、心悸、胃痛，有啲糖尿病亦都係受脊椎影響」。而西方醫學較難處理的尿頻、月經失調、遺精、四肢寒冷、麻木等，亦可透過拉筋去改善。
談耀永指，一名50多歲患中度頸痛的男病人，在醫師指導下學習拉筋，每日在家中練習數次，一個月後痊癒，「佢條頸直咗，生理弧度無咗，同埋有骨刺，活動能力比較差，係幾難處理嘅，但係佢好勤力，日日做（拉筋）幾次，好得好快」。
要循序漸進
頸椎操其中一式，以拇指按住風池穴（即枕骨對落凹陷位置），向下按摩打圈，再由下向上按摩打圈，完成後再分別用左右手揑緊頸後肌肉，然後放鬆。
經常困擾都巿人的坐骨神經痛，也有方法治理。談耀永解釋，坐骨神經痛其中一個原因是大腿梨狀肌收縮，令大腿、小腿及腳底痲痹，腳不能伸直，醫師會以手法鬆弛梨狀肌，再用紅外線燈深入肌肉消炎，「有啲病人因為後面扯住，連對腳都伸唔直，我哋會用手去按梨狀肌，大約10幾分鐘度，有啲人可以伸返直對腳，行動自如，加埋佢拉筋，就會好得快啲」。但若日後用力不當、姿勢不正確，會再次勞損肌肉，令痛楚復發，故在家中拉筋練習很重要。
若市民患腰梗背痛，應先行求醫診治，依循適當的指導學習拉筋，並要循序漸進，從一分鐘、兩分鐘慢慢加時、加壓，最後可延到20分鐘或半小時。
from:
http://hk.apple.nextmedia ... art_id=14496675
