筆者對釣魚沒有多大興趣，原因是沒耐性，而且釣到魚又如何？太細食了不夠飽、太大又唔知點帶回家。直至筆者去了流浮山上白泥釣魚場玩半日後，才知釣魚過癮！把魚餌拋入魚塘，20秒內即有魚上釣！條條都大過我隻手板，而且仲可以即時在魚塘邊原始燒魚！快哉！令筆者有衝動自置簡單用品，出海釣大魚！
香港三面環海，理應有多處地方可以釣魚，不過係咪保證有魚上釣？夾唔岩天時地利分分鐘坐成日都冇收穫！對筆者這等冇耐性自尊心又薄弱的人可能是一個永不磨滅的打擊，可能就此以後都唔釣魚（事實上筆者就是這樣）。為此，就算你說去魚場釣魚零難度、冇樂趣都好，筆者卻在這里尋回自尊！又可以一面釣魚一面hea 住BBQ 。
魚場的環境優美，除釣魚外，影相都一流。
客人可選擇在有蓋或露天地方燒烤，100人開party 都冇問題。
魚場外設有大量停車位，閒閒哋可泊30部。
魚餌無限量供應，捲實一點才
上會較易釣到魚。
真係唔使20秒就有魚上釣，easy 到暈！
兩隻手掌大鯽魚最好食，究竟點炮製你好？
面向祖國玩速釣
雖然香港有大海包圍，但境內仍有不少魚場，幾十年前就用來養淡水魚賣，但今時今日收檔又有、荒廢又有，只有少數轉為釣魚場，尤以流浮山一帶最多，只要沿深灣路及稔灣路一路直入，起碼有5個大大小小釣魚場，今次介紹的樂逍遙魚場就是其中一個。樂逍遙魚場位置接近后海灣，坐在塘邊都可遠眺深圳及港深西部通道的壯觀景色，對岸高廈林立，而身處卻是平靜的魚場，對比極大。
魚場釣魚同大海唔同，場內魚品種唔算多，一般只有幾十種，筆者釣來釣去都係鯽魚或福壽魚，遲遲都釣唔到白鱔，但勝在好似玩遊戲機咁，low tech 得來唔使用勁裝備都可以有魚密密上釣！一般把餌拋入水中10多秒即有魚上釣，如果超過20秒都冇動靜，代表你嘅餌已經被魚嗒咗！
用薑
再包錫紙燒極之惹味，只收每條魚$10加工費。
玩自私原始燒魚
釣魚為咩先？都係為咗食！出海釣魚往往要用工具將收穫養住，等成日先有得食，去樂逍遙就唔同，因為呢度兼營$70位的任食BBQ ，條魚一上水即時可以交由專人處理，你想鹽燒又得、加薑
包錫紙燒又得，整好就可以自己燒。如果閒日冇咩客人，仲可以叫魚場幫幫手蒸嚟食，這樣食魚夠新鮮吧！筆者個人最buy 加薑
包錫紙燒，一打開錫紙包即時香氣四溢，拍攝時老遠的家貓都跑來。這類魚場入場費一般都包括埋一定重量魚穫，以樂逍遙為例，首1斤免費，打後$24/ 斤，貴就貴嘅，不過話晒自己釣嘛！
初心者升「呢」裝備
好多人都好似筆者咁因為去過魚場釣魚而重拾自信，繼而買私伙用品去挑戰海魚，其實玩釣魚有平有貴，最平兩
水就已經有成套裝備，而且個款都好專業，嚇得吓人㗎！
釣魚發燒友
地址：土瓜灣馬頭涌道100-108號福安閣1樓
電話：27146262
1set 搞掂晒
初玩者買套裝釣具最實際，呢套有齊2.4m 魚竿、絞盤、魚絲同魚
，日本牌子有保證，都只係$200，抵玩到暈！
超短魚竿
呢支魚竿伸長有2.4m ，最大賣點係可以縮短成不足2呎，放入背囊最方便，價錢亦極之吸引，只賣$60。
閃燈絞盤
日本OGK 出品絞盤有埋150m 3號魚絲，有多個顏色選擇，最搞嘢係一轉個盤就有閃燈，小朋友必buy ！（$140）
2毫子1個
初玩嘅人一定成日
石，如果下下用靚嘢盞
錢落海，一盒100個嘅4號
，只係$20/ 盒，即係2毫1個，冇咁肉赤。
2人共享魚絲
魚絲其實有N 咁多款，不過講到抵玩首推日本YGK 3號500m 尼龍魚絲，搵多個朋友一齊用都夠，而且只需$45。
萬用冰箱
釣魚如果有個冰箱帶定啲冰凍飲品去就最好，不過最重要係有魚穫時可以即時雪住，玩一日都冇問題。（$778）
超平有網魚袋
有人鍾意用冰箱，亦有人鍾意養住嘅魚，呢個有網伸縮魚袋size 細細，最緊要係超平，$12有交易。
大美督釣魚場
其他釣魚場選擇
大美督都有魚場，而且位處大停車場旁，十分方便。這里最出名是魚種多，接近20種，收費由$25-$30/ 小時。
電話：26626351
鹿頸釣魚場
位於鹿頸的鹿頸釣魚場正正在新娘潭路旁，除有燒烤外，仲可以預訂盆菜，全日收費每位$200（包1斤魚穫）。
電話：26559522
樂逍遙魚場
地址：流浮山上白泥村154號
電話：96715420
收費：$80/ 位玩全日
（包魚餌、租魚竿及1斤魚穫，及後$24/ 斤）
燒烤：$70/ 位（需預訂）
