大利來記澳門兩間分店平均每日營業額近20萬元。
【香港澳門連線直擊】本港地道小食深受廣大港人歡迎，食的文化根深柢固，台灣珍珠奶茶90後至愛，就連外國品牌瘋薯在旺角大排長龍，澳門知名的地道豬扒包大利來記咖啡室都決定渡江，首站便殺入中環，圖搶中環OL和金融才俊客，將於下月在區內擺花街開設首間境外分店，以饗本港粉絲口福。負責人更指，首階段會斥200萬元在港大展拳腳。
記者:程俊華、吳永強
本報收到可靠消息指，受港、台、內地旅客慕名而至的澳門大利來記剛以每月11萬元，預租中環擺花街52至60號地下4號舖，實用面積僅約342方呎，呎租約322元，比前租客的租金大升一倍搶舖。而舖位對面便是區內知名的泰昌餅家。
大利來記剛預租中環擺花街舖。
負責人之一陳健華：今次先試一試香港市場嘅反應
只做外賣冀九龍再開店本報記者隨即到澳門向大利來記方面求證，負責人「五哥」陳健華確認有關消息，直言「擺花街間舖最快9至10月會開」。中環的新舖將會是大利來記在澳門以外的第一間分店，但舖位面積不大，只會做外賣生意。年底前，希望在九龍區再開多一間，將設堂食，估計投資額約200萬元。
大利來記新舖月租11萬元，以每個豬扒包零售價25元計算，平均每日賣最少147個包才可夠交租。但據記者昨日到澳門大三巴的大利來記分店視察，雖然是平日兼受天氣不穩定影響，但每天限量供應的1000個豬扒包，已在傍晚前沽清，生意不俗。陳健華透露，澳門氹仔及大三巴分店平均每日營業額近20萬元，料來港開舖不成問題。
港做踏腳石下年闖中泰「今次第一次喺澳門以外開分店，都係自己家族成員經營住先，試一試香港市場嘅反應」。陳健華指出，其實早已在港睇過3、4次舖，「本來打算喺旺角、銅鑼灣開先，但旺角啲舖唔係好啱心水，銅鑼灣間舖就喺落大定前，突然俾其他公司出高價搶咗！」
大利來記的豬扒包每天都限量供應，非假期時段約每天1000個，假期時段將加推至1200個或以上。據了解，香港經營的成本高，故豬扒包定價會較澳門的略貴，但不會差別太大。
雖然中環並非大利來記首選落腳點，但擺花街近來人氣急升，加上屬傳統商業區，料可吸引不少區內白領、各地遊客垂青。「點解嚟香港？因為不嬲都有好多香港Fans特登過去澳門幫襯，相信香港好有市場」。
陳健華又指，如果生意理想，本港分店可能會用特許經營加盟模式擴充，因家族成員的人手難顧及全部分店。他更透露，將視香港為「踏腳石」，下年將會衝出中國進軍泰國，大利來記董事總經理陳嘉儀已到當地視察，未來亦部署到台灣及內地開舖。
記者訪問到大三巴分店惠顧的泰國旅客Nirum Sirilapviboon，她指因在網上得悉大利來記豬扒包出名，故到大三巴時特意一試，認為味道不錯。如果明年泰國開分店，都會再幫襯回味。
擺花街舖位陣營1）大利來記咖啡室（剛租用）52至60號新豐樓地下4號舖
2）泰昌餅家35號地舖
3）謝霆鋒持有的地舖28號地下另閣樓
4）古巨基持有的地舖22號地舖
5）梁安琪持有的一籃子舖1號地下至三樓
本港豬扒包比拼註:記者試食，以5星最好食
【永樂園】
散買$23跟餐價$25
【大快活】
不設散買跟餐價$21
【翠華】
散買$33不設跟餐
【澳門茶餐廳】
散買$24跟餐價$30
財經界意見
【唔會太期待】
豐盛金融資產管理董事黃國英：
「喺澳門作為一個遊客，可能會特登去食，但過咗嚟香港，心理上就無咁期待，就好似始終都係台灣嘅鼎泰豐先吸引啲一樣……如果要喺中環食，會等熱潮過咗，無咁多人排隊先試。」
【不會排隊買】
金利豐證券研究部董事黃德几：「第一次喺澳門食時，因為唔夠豬仔包而用白麪包代替，感覺一般，如果要花太多時間排隊，唔係好值得。不過，香港人食嘢同買股票一樣，有跟風因素，多人排嘅就會去試。」
【貪得意去試】
法興環球股票產品策略師蔡秀虹：「本身都幾鍾意食豬扒包，去澳門嘅茶餐廳都會點嚟食，同埋其實我都幾鍾意試一啲新嘢，如果佢嚟到香港之後，我諗會趁吓熱鬧，貪得意都會去試吓。」
