整容三嬌Freeze ，言行舉止賣開放大膽，嗱正牌行性感，入行以來唔係惹緋聞就搞是非，不過迷爆電車男，頻頻接騷搵真銀。
靠姣搵食有市場，其中陳樂榣（Alley ）碼實29歲Gucci 太子潘熾恆；甄穎珊又黐到手機生產商副總裁Andrew Lo ；至於最多人話索的石詠莉（Sukie ）好似最專一，一直只傳有個老臨男友、綽號馬騮的關偉文行埋，但原來玩得最放係Sukie ，一腳踏緊5隻船，寧濫勿缺，早前密上1/5男友家過夜，男角正是秦沛大仔姜文杰。連踩5仔，忙過開工！
男友1 秦沛仔姜文杰29/10 前週綵排《翡翠歌星賀台慶》時，秦沛仔姜文杰和石詠莉同在無線排舞室，眼見成村記者在場，兩人刻意扮唔熟，即使企埋都零交流，不過一放工就變黐頭芒囉！
29/10 以為冇記者就立即大解放，兩人前後腳坐的士到秦沛仔姜文杰位於九龍塘的寓所，小姜（右）細心到落樓接女友，認真廿四孝！
31/10 女朋友喺一條褲喺足幾日，小姜（箭嘴）於萬聖節當日車Sukie 返西貢寓所換衫換褲，再折返九龍塘屋企二人世界，都岩嘅，臭親人唔好啦！
本刊連續六日採訪期間，記者見Sukie 只換過3件衫，但褲就堅持喺住呢條湖水藍色Juicy Couture 。衫都冇件換，證明未同居！
男友2 izzue 賣衫仔26/10 Sukie 未到秦沛乖仔屋企過夜前，先到大埔公屋，會合穿白恤衫的izzue sales 仔（左），據知此乃男方住址，而Sukie 當晚就在此過夜。佢條湖水藍戰褲自此一直未換過。
27/10 訓醒冇嘢做，Sukie 從大埔搭的士去又一城搵仔，izzue sales 仔同Sukie 在商場內食麥記，仲要由Sukie 畀錢，飯後二人坐在地上邊扯煙邊睇掌，好鬼小情人feel 啫！
男友3 老臨馬騮同Sukie 拍拖年多嘅關偉文「馬騮」，除咗偶然客串電影老臨，仲喺沙田經營電單車房，假假哋都叫做車房老闆，據知二人仍是情侶關係。
男友4 小生蔡淇俊圈中人除秦沛仔外，原來Sukie （右後）同蔡淇俊（左）都有交往，兩人唯一同場喺今年8月《娛樂金剛圈》錄影，據知二人仍有私下暗交。計埋蔡淇俊密友陳自瑤，咪好亂？
男友5 化妝仔Sukie 另一個秘密男友洋名叫Benneth （右），是Do 姐前御用化妝師Felix （小圖左）徒弟，據知他比「馬騮」早同Sukie 拍拖，但「馬騮」介入後，Sukie 仍然揸實Benneth 唔放。石詠莉（Sukie ）雖有個拍拖年多的老臨男友關偉文（馬騮），無奈馬騮只屬「茄喱啡」級數，眼見姊妹手執筍盤，Sukie 唔執輸，近日分散投資，大開色戒。
男家過夜22歲Sukie 早排雖忙於綵排《翡翠歌星賀台慶》，但百忙之中仍抽時間應酬眾男友。本身家住西貢舊樓的Sukie ，近日已少現身與馬騮在沙田的愛巢，據Sukie 身邊密友透露：「Sukie 呢排邊有時間返屋企呀，湊班仔氹氹轉，一時又話去九龍塘搵小姜（姜文杰），一時又唔知去邊度過夜，行得最埋咪係小姜囉，小姜好
Sukie ，乜都就晒佢，但係Sukie 同馬騮仲未散喎，只係少咗見面啫。」
仔高手據知Sukie 高峰期有5個男友，除馬騮外，甘草演員秦沛大仔姜文杰（Ben ）、就連Do 姐鄭裕玲前御用化妝師Felix 徒弟Benneth ，甚至有傳無線小生蔡淇俊都屬男友名單之一，估佢唔到，可見Sukie
仔招數一流。
「Sukie 同小姜、蔡淇俊最初玩SMS 傳情，玩玩吓嚟真，最近佢又成日去又一城搵izzue 度做sales 嘅男仔出街，唔知佢點諗呀，話晒女仔始終都想揀個好嘅，呢5個入面，Sukie 最嗒小姜糖，話晒屋企環境最好囉！最犀利係呢『5隻船』，除咗小姜，大部分都知對方存在㗎！」Sukie 密友透露。
男未婚、女未嫁，試多幾個唔係問題，最緊要自己舒服，不過本刊直擊Sukie 玩足成個星期都唔換褲，照樣在小姜家過夜，又確實唔多衛生喎，唔通Sukie 戰衣得一件？
嬲
穿咗煲前週六（1日）本刊把握時間，捉住做緊《翡翠歌星賀台慶》嘅Sukie 同小姜問清楚，點知問完之後，一個當笑話同好姊妹分享，一個嬲到個頭爭嘅噴煙，呢個場面認真好笑。
被記者追問一腳踏5船後，Sukie 入廠即豎起5隻手指，同好姊妹甄穎珊分享回應當笑話；相反姜文杰就嬲爆爆入番廠繼續工作。
「我哋係好朋友嚟，佢係上我屋企開party ，咁我又外國返嚟，喺我屋企過夜好平常啫！（Sukie 見過你爸爸秦沛未呀？）我嘅朋友個個都話佢惡，都唔敢同佢講嘢。（即係見過？）未。（你知唔知你其實係1/5咋？計埋你，Sukie 共有5個男朋友。）吓！5個？（由驚愕再變嬲樣）我哋係好朋友啫。」
笑
「我同阿Ben （姜文杰）係好朋友嚟㗎，上佢屋企開party 之嘛！Benneth （化妝師）係好耐好耐之前嘅男朋友，蔡淇俊？咁誇張！馬騮你哋寫之嘛，我冇認過！我邊有5個咁多呀？」
