女星石詠莉（Suki）在銅鑼灣小型商場「濕平」遇上「時裝黑店」，在準備付款時，竟發現幾百元平衫變成過萬元名牌價，嚇到她眼都凸，因為擔心遭人禁錮，她拔足狂奔，險些中招被人騙財的她猶有餘悸。
石詠莉於老銅行街險墮「黑店」騙局，買幾百元平衫於找數時變成過萬元。
女星石詠莉前晚在微博自爆險墮入「黑店」騙局，她留言：「騙徒手法層出不窮，去銅鑼灣買衣服，居然可以遇到騙局……好嚇人！我現在需要定驚。」石詠莉昨日在電話中表示前晚獨自到銅鑼灣小型商場「濕平」，在一間時裝店看中幾條裙，她說：「因為啲裙冇標明價錢，我就問售貨員幾錢，全部都係三位數幾百元，因為覺得好平，我一口氣揀咗3條裙同一件飾物，點知畀錢時見到總數要過元，我嚇到眼都凸。」
石詠莉談到事件直言猶有餘悸。
考慮向海關投訴
石詠莉表示她本想以信用卡付款，但對方以壞機為由，她就改用易辦事，怎知準備按密碼時，看見銀碼不對，竟然成「萬蚊」，她說：「我打咗個突，即問係咪入錯銀碼？佢面有難色話冇錯，我咪話唔係幾百元一件咩，佢話冇可能咁平，我諗都唔諗就話咁唔要，佢話唔得，咁買一、兩件好做啲，我當時好驚，好驚佢會困住我，攞番張卡即刻跑落樓。」驚魂未定的她即告之朋友險墮騙局。
石詠莉覺得最可惡是對方認得她是藝人，她說：「係咪要住嚟搶，可能覺得我好有錢，我冇可能聽錯價錢，一件就話聽錯啫，無理由件件都聽錯，四樣夾埋要過萬喎。」定過神後她笑言覺得自己好精明，她奉勸消費者們用卡付款時，切記要看清楚銀碼以防被騙，她更考慮向海關及消費者委員會作出投訴。
文：音樂組
From:
http://orientaldaily.on.c ... /00282_025.html
