鄧健泓慶功宴變求婚派對石詠莉

鄧健泓與石詠莉拍拖3年，前晚在IFPI頒獎禮後搞神秘派對向女友成功求婚。

現年29歲前Freeze女子組合成員石詠莉（Sukie）跟現年41歲的鄧健泓（Patrick）拍拖3年，她前晚出席IFPI頒獎禮後獲男友搞驚喜派對，Patrick捧著99朵粉紅玫瑰，跪地向她求婚，昨日兩人分別在facebook貼合照公佈喜訊。Patrick昨日接受本報訪問，表示求婚計劃準備了半個月，婚宴會在香港舉行，但因今年盲年，會等女友完成第二張Hi-Fi碟後才辦婚事，婚紗相則會到加拿大拍攝。

鄧健泓跪在地上送上戒指，揚言很有信心石詠莉答應嫁給他。

鄧健泓還未開口求婚，石詠莉便已經喊爆。

陳志雲表示不介意為鄧石婚宴當司儀及表演，還會收取友情價。

Patrick：要人提水

Sukie前晚雙喜臨門，先於「IFPI香港唱片銷量大獎2015頒獎典禮」上，憑去年與Patrick共同製作的首張Hi-Fi碟《聽聽Sukie's》奪十大銷量廣東唱片及躋身十大銷量本地歌手。不過，前晚她最開心一定是Patrick為她準備驚喜求婚派對。

Patrick昨日接受訪問時說：「計劃咗半個月，我成日講啱時間做啱嘅嘢，噚晚（即前晚）對我哋嚟講係好有意義嘅晚上。」Patrick又謂：「以前拍戲拍過求婚戲，但人生第一次有啲尷尬同緊張，完全唔知自己做乜，唔知係下跪先定畀花先，要蕭定一喺隔籬提水。」說到求婚過程，Patrick表示：「當我求婚時，佢都諗咗一陣，我問佢咁都要諗，其實我噚日就算畀一隻草戒指或汽水蓋佢，佢都會答應，因為我同佢呢3年經歷咗好多嘢。」

Sukie：蠱蠱惑惑

至於全晚爆喊的Sukie，事後笑說：「我係感動到喊，呢個party之前唔知，但都覺得有啲奇怪，身邊朋友有啲唔尋常，Patrick又有啲蠱蠱惑惑，原來佢係搞緊呢樣嘢，我覺得好驚喜，佢真係好願意為我付出，係冧爆嘅。」陳志雲知道愛將求婚成功笑說：「唔夠戲劇化，如果Sukie問我，我實叫佢唔好應承住，應該考慮下先答佢。」他又說Patrick事前沒有問他意見，但有邀請他出席，只是他要早起而缺席，但他表示一定會去飲，還可以做司儀或表演。

採訪：菲菲
攝影：盧妹
from:http://hk.apple.nextmedia ... 160331/19550918

鄧健泓以結婚為目標，最近終於向石詠莉求婚成功。資料圖片
近日向女友石詠莉求婚成功的鄧健泓，日前接受有線《星級會客室》訪問，談到以往身邊不乏女伴，被形容為圈中「食家」，鄧健泓即時平反說：「『食』字對女性唔尊重，我過往嘅感情都係以年計，亦從來冇一腳踏兩船，每次拍拖我都係以結婚為目標，奈何唔啱就要分開。」

提到第一個公開嘅女友原子鏸，鄧健泓說：「當年佢寫咗封分手信畀我，話我哋係兩個世界嘅人，嗰日係我最傷嘅一日。」對於未婚妻石詠莉，鄧健泓則讚不絕口，表示二人有共同興趣，沒有人比她更適合自己，他說：「佢唱歌好聽，但同我嘅經歷一樣，都係欠一個機會。我哋鍾意打機，睇恐怖片，希望同佢有一個完整家庭。」

撰文：王梓嫚
from:http://hk.apple.nextmedia ... 160402/19554310

謝拉（右）甫見到任達華即來個熱情擁抱。

任達華的女兒是謝拉的粉絲，如此近距離接觸笑不攏嘴。

蘇格蘭男星謝拉畢拿（Gerard Butler）主演、巴巴克納加菲（Babak Najafi）導演的西片《白宮淪陷2倫敦淪陷》（London Has Fallen），前晚於銅鑼灣HMV旗艦店舉行慶功派對，謝拉和導演均賞面現身，而派對前胡杏兒和老公李乘德獲老闆蕭定一邀請出席為謝拉而設的飯局，杏兒大讚謝拉為人友善。

甜蜜晒婚戒

曾與謝拉合作過《盜墓者羅拉：生命之匙》（Lara Croft Tomb Raider：The Cradle of Life）的任達華前晚攜同太太琦琦和女兒任晴佳出席，到場時與謝拉和導演巧遇，謝拉即開心擁着華哥合照，華哥自爆因女兒喜歡謝拉，所以帶家人前來，之後謝拉以廣東話打招呼：「大家好，多謝。」便匆匆入場。其他出席者包括當日27歲生日的何佩瑜、鄧健泓和石詠莉以及盛品儒夫婦。

早前求婚成功的鄧健泓，與晒求婚戒指的石詠莉甜蜜影合照，他說：「要幫佢做埋第二張唱片先，婚期應該係今年底或明年頭，師傅睇過日子話可以，我哋想去加拿大影婚紗相，跟住會再去影樓影多一輯。」

何佩瑜前日生日，她謂會以此作藉口跟謝拉合照。

胡杏兒派對前先與謝拉飯局。

鄧健泓指石詠莉要減肥影婚照，婚期最快年底。

婚宴低調搞

鄧健泓並大爆求婚後，女友即病倒，石詠莉笑說：「可能嚇到病，又喊得好犀利。結婚前要減肥先，婚宴想低調搞，主要想同朋友gathering。」

此外，盛品儒透露日前專程由深圳趕返港睇亞視熄機最後一刻：「只係一下59年嘅歷史咁就冇咗，亞視由細睇到大，工作咗三年半，離開都好唔捨得。希望欠薪問題可以盡快解決。」對於亞視想轉做衞星電視，盛品儒認為已過了最好時機，而且需要大量資金及人手，實在不易。

採訪：曹家誠
攝影：陳慧安
from:http://hk.apple.nextmedia ... 160404/19556421