著數優惠交流網 » 影視、娛樂交流區 » 鄧健泓偕妻馬爾代夫蜜月遇政變半夜入院

鄧健泓偕妻馬爾代夫蜜月遇政變半夜入院

1^# 大中小 young 發表於 2018-2-8 16:04 發短消息

相關主題: 馬爾代夫蜜月鄧健泓

鄧健泓（Patrick）和石詠莉（Sukie）去年底結婚後，直到前日才起程去馬爾代夫度蜜月，但人算不如天算，竟然撞正當地爆發政治危機，全國進入緊張狀態。

不少朋友即刻WhatsApp問候二人，Sukie昨晚已在facebook報平安，Patrick 就表示暫時一切安好，大家不用擔心。

「我哋前晚到咗馬累（馬爾代夫首都），要住一晚酒店先嚟依家呢個resort，但一去到馬累，好奇怪地見到防暴警察同水馬擺喺酒店門口，我有問過當地人，佢哋就話有抗議事件，但瞓咗一晚之後，真係唔好彩，Sukie扁桃線發炎，我哋要去馬累嘅醫院睇病，當時係凌晨四點幾，醫院都冇咩人，我哋好安然睇完醫生攞咗藥就返酒店。噚日朝我哋喺酒店出發，見到有警察喺市中心，我哋都係照上船返機場去resort，暫時一切正常。」現時Patrick 夫婦身處馬爾代夫其中一個小島，Patrick表示，「暫時都好寧靜，冇嘢發生，運作好正常，啲人好似唔太擔心，都好有禮貌、好有service；Sukie噚晚食藥之後好好多，都有精神，係有啲喉嚨痛，好彩帶咗佢去醫院，因為之前扁桃線發炎會令到佢發燒。」

廷伸閱讀/相關主題推介:

相關主題:馬爾代夫蜜月鄧健泓

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2018-2-20 14:51 發短消息

鄧健泓、石詠莉走過高山低谷

四十三歲的鄧健泓與三十一歲的石詠莉，經過五年愛情長跑，去年尾正式拉埋天窗，今年夫妻二人首次過婚後首個情人節，鄧健泓露出甜蜜的笑容，望住太太冧爆說：「日日對住佢都係情人節！」

拍拖五年剛結婚，二人異口同聲說每一日都過得好開心，認同相處開心不是靠節日。哪怕在家中煮飯仔一樣浪漫。

生活簡單鄧生、鄧太有情人終成眷屬，原來緣份始於〇七年：「當時我做《勁歌》主持，我覺得佢幾唱得，我好關注佢，因為佢幾靚，當時係有傾吓偈。直至一三年某天，我見到網上有個短頭髮女仔，唱歌好好聽，原來係石詠莉。」

此後，他主動聯絡對方，不過一開始就食檸檬：「我打畀佢，佢話你係邊個？邊個Patrick？我惟有chok住send相畀佢。」之後開始溝通，認識三個月後開始拍拖，拍拖後鄧健泓發現石詠莉的好處多不勝數：「佢係個易滿足嘅人，佢冇用信用卡，當然我有畀附屬卡佢，佢從來都冇買名牌，佢好簡單。」　

鄧健泓與石詠莉在去年結束五年愛情長跑結婚，並於九龍灣展貿中心舉行婚禮並筵開三十席，羨煞旁人。

十年前，鄧健泓已視老婆是女神級靚女，即使老婆有時走樣，他一樣冧爆照單全收。

TOP

著數優惠交流網 » 影視、娛樂交流區 » 鄧健泓偕妻馬爾代夫蜜月遇政變半夜入院

鄧健泓偕妻馬爾代夫蜜月遇政變 半夜入院

廷伸閱讀/相關主題推介:

鄧健泓、石詠莉走過高山低谷

鄧健泓偕妻馬爾代夫蜜月遇政變半夜入院