胡杏兒去年12月底榮升人妻，與李乘德（Philip）結婚後，隨即展開兩個多月的悠長蜜月之旅，他們先後到了日本、大溪地、新西蘭、美國、英國、希臘、馬爾代夫等十多個地方旅遊。
新婚的杏兒和Philip不時在網上曬恩愛相，認真幸福！
杏兒向來甚少影泳衣相，想不到今次蜜月之旅竟然有這收穫。
在最後一站馬爾代夫，杏兒拍了一輯性感泳衣照，今次杏兒大玩即興，她先穿上一套黑色兩件頭泳衣在沙灘拍照，其後又穿上白色長恤和披上橙色薄紗大曬身材，身形fit到漏。不過今次操刀的並不是老公Philip，杏兒笑說：「成件事係好即興，呢輯相係喺我哋度蜜月嘅最後一個站影。喺我哋住嗰間酒店入面，有一間舖頭係專幫人影相留念嘅，佢哋啲職員知道我哋嚟咗，於是咪建議影番輯相，雖然影嗰時冇化妝整頭，只係好簡單咁戴副超就影，嗰度啲景同陽光都好靚，所以點樣影都好有感覺。」
原來杏兒過往私下未試過影泳衣相，只是前年與閨密遊船河時被拍下泳衣照，她坦言對效果感滿意，但亦笑說：「身形永遠都可以再好啲，𠵱家興健康型，自己都想多啲肌肉，都好努力去練。」
穿上長恤的杏兒，雖然只露香肩或曬長腿，仍流露性感的感覺。
今為樂視造勢
另一方面，距離亞洲電視熄機的日子只餘下兩天，這除了代表亞視將會成為歷史外，亦意味著電視行業將會有新轉變，電視大戰亦一觸即發，不過大戰陣地就由免費電視移師到互聯網，從內地攻港的LeEco樂視，今日亦會舉行記者會，公佈最新內容及頻道，杏兒亦獲邀擔任嘉賓。
撰文：唐琛悠
from:
http://hk.apple.nextmedia ... 160330/19549301
