胡杏兒宣佈陀B後首現身凸肚杏兒想三年抱兩

1^# 大中小 young 發表於 2017-5-26 16:22 發短消息

相關主題: 胡杏兒

胡杏兒、陳瀅及王陽明昨日在葵湧出席佛羅倫斯小鎮開幕活動，宣佈有B的杏兒首次現身，她一身桃紅連身裙示人，上圍明顯豐滿，肚子也微凸，不過她仍然腳踏兩吋高踭鞋。杏兒接受訪問時，問她是否已經懷孕4個月、預產期是否聖誕？她表示：「都係差唔多，不過想保持神秘感。」再問她是否知道BB性別時，她表示：「𠵱家諗緊去照超聲波時睇，定係生嗰時留番驚喜畀自己，暫時都未知。」

「老公鍾意女」

問到第一胎想順產還是開刀，杏兒表示想順產，因想爭取時間再生，記者笑她想三年抱兩，她表示：「都想，唔知自己搞唔搞得掂，handle到就生多個。」提到老爺奶奶會否想抱男孫，她說：「老公鍾意女，我就冇乜所謂，終於感受到人哋話BB健康最緊要，老爺奶奶都冇所謂，冇話催要知仔定女。」

問到懷孕後是否放縱飲食，杏兒表示：「唔係呀，不過放假時感受到肚真係大咗、脹咗好多，個人又腫咗，個肚都實咗好多，係越嚟越硬，休息夠長胎。」她自言胃口不太好：「以前愛食嘅酸味食物同飲湯都唔鍾意，會三更半夜叫老公買魚蛋粉畀我食。」

大會送嬰兒用品給杏兒，十分貼心。

準媽媽杏兒在活動上開心祝酒。

收Bosco短訊

講到體重，杏兒表示重了5磅，體形有腫脹，但笑言未谷奶，亦未有需要換大碼內衣：「醫生話BB size比正常大咗少少，自己都驚佢大得滯好難生。」杏兒更提到現在工作要與老公商量：「拍劇走幾個月唔得，去活動坐飛機都OK，自己都鍾意做嘢。」談及舊愛黃宗澤（Bosco）傳短訊恭喜，她表示：「有呀，你哋一問佢，我就收到喇，好多朋友、一啲好耐冇聯絡嘅朋友都有。」

採訪：盧妹
攝影：陳俊強

杏兒坦言老公喜歡生女，自己則冇所謂。資料圖片

陳瀅恨做媽媽想生3個，但表示要先拍拖後結婚生B。
from:http://hk.apple.nextmedia ... 170526/20033599

廷伸閱讀/相關主題推介:

相關主題:胡杏兒

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-5-30 19:02 發短消息

追B兩年得米，胡杏兒：我日日作嘔

成為人妻差不多兩年的胡杏兒，一結婚就已經講明恨生仔，在母親節當日，終於宣佈懷孕好消息！她稱最初佗B時十分辛苦，經常發冷兼日日作悶想嘔，連胃口都無晒，加上首度佗B心情受影響更瘦了幾磅，老公都表示心痛。

現已懷孕四個月的胡杏兒，情況穩定又開始習慣荷爾蒙變化，終於可以出街行，日前就由至尊愛妻號老公李乘德（Philip）陪伴，到利園shopping，穿平底鞋由老公拖實，幸福滿溢。

胡杏兒公布懷孕喜訊，丈夫親吻孕肚，對小生命的降臨充滿期待。

時興晒BB超聲波相，孩子未出世已經被胡杏兒公開「樣貌」。

幸福喜悅胡杏兒結婚後，即時就已講明恨生仔，所以一有時間就同老公四圍歎世，界享受無壓力生活，度蜜月都玩半年，期間開心造人，早前終於有好消息。胡杏兒首先發布一張托肚相，之後再發一張BB超聲波照宣佈有喜，繼而再上載一輯與老公海邊合照錫肚的幸福照，胡杏兒更留言：「感恩上天送給我們的禮物，Baby Lee已在我肚子裏做起仰臥起坐，爸爸及媽媽好期待同你見面呢！」完全讓人感受到那份充滿期待的喜悅。

皇后出巡睇鞋，老公當然要拖到實，身穿平底鞋的胡杏兒亦行得頗慢，事事小心。

可能是閉關幾個月，十分渴望shopping，胡杏兒於名店內落力四圍行、樣樣睇。

行了短短時間，已經覺得攰的她，即要坐下休息，不過雙眼從未離開靚袋、靚鞋。

TOP

3^# 大中小 young 發表於 2017-7-8 16:54 發短消息

杏兒老公IG勁貼老婆相晒恩愛智雯感情好低調

喺大台有唔少周邊組織，就好似以前嘅「至八會」、「Cry Runner」、「處女黨(官方名為Amazing Esther)」等等嘅團體，不過講到現今最大影響力嘅就有「胡說八道會」，佢哋嘅成員包括胡杏兒、胡定欣、胡蓓蔚、黃智雯、姚子羚、李施嬅等等。

佢哋個個喺事業上都有番咁上下，喺感情上胡蓓蔚同胡杏兒都已經成為人妻，胡蓓蔚就唔使講啦！豹嫂、豹哥不嬲都係恩愛嘅代名詞。而胡杏兒喺前年同李乘德（Philip）結婚，佢哋真係非常之咁恩愛，一睇Philip個instagram就知，事關做咗人夫之後，Philip嘅IG十張有九張都係佢老婆杏兒嘅靚相。

而黃智雯、姚子羚呢，雖然都係未婚，不過各自都有個穩定男友，其中姚子羚就有綽號「的士邦」嘅鄭子邦，仲有指佢哋同居咁話；至於黃智雯，佢嘅緋聞少之又少，查實佢男友詹文天（Anthony）都幾犀利，係謝瑞麟珠寶集團高層。

最後，就有胡定欣同李施嬅，雖然佢哋都未有另一半，但佢哋美貌與智慧並重。
from:http://hk.apple.nextmedia ... 170708/20082907

TOP

4^# 大中小 young 發表於 2017-7-15 17:52 發短消息

胡杏兒連環激嬲老公

胡杏兒早前接受奇妙電視節目訪問，自爆和老公李乘德的趣事：「有次佢問我會唔會做《色，戒》入面湯唯個角色，我儍更更諗都唔諗就答佢會，佢聽完唔開心咗好耐！」

杏兒指老公雖在外國長大，但思想傳統，她笑說：「佢知我成日去荒山野嶺拍戲，特登買塊玉畀我護身，有次見我冇戴，佢又嬲嬲豬咗！」為顧慮老公感受，杏兒直言性感或接吻戲一概免問。

撰文：葉綠悠
from:http://hk.apple.nextmedia ... 170715/20089871

TOP

5^# 大中小 young 發表於 2017-7-30 18:45 發短消息

杏兒大肚照蒲吧

懷孕6個多月的杏兒指諮詢過醫生，搭飛機是完全沒問題。

胡杏兒、胡定欣、李施嬅、姚子羚及胡蓓蔚，昨日出發到澳洲拍攝旅遊節目《胡說八道去旅行》，現已懷孕6個多月的杏兒說：「問過醫生，懷孕36周以上至唔可以坐飛機，我𠵱家坐飛機去旅行係冇問題嘅，唔使擔心，呢個trip冇危險動作，只係飲飲食食，班姊妹都會好好照顧我。」她還大爆此行最危險的動作是到酒吧結識異性，指定欣非常期待有艷遇。

（左起）姚子羚、胡蓓蔚、胡杏兒、李施嬅及胡定欣昨日出發到澳洲拍攝旅遊節目。

提到此行獨欠黃智雯，她們解釋是對方沒檔期，並笑說：「可以講佢壞話，冇得反擊，聽講佢要結婚、生仔嘛。」李施嬅則笑謂：「佢哋點燈要求同我一齊瞓，感覺好開心。」

撰文：葉綠悠
from:http://hk.apple.nextmedia ... 170730/20105898

TOP

6^# 大中小 young 發表於 2017-7-30 18:47 發短消息

胡杏兒陀B夏日look穿J.Crew長裙遮肚

結婚後成為幸福人妻胡杏兒，目前為老公李乘德陀B六個幾月，雖然最近亦甚少現身活動專心安胎，不過都會時不時影下相updated大家。

杏兒日前趁好天氣外出，穿上J.Crew的藍白條子連身長裙，鬆身設計舒適之餘，仲可以遮到肚，搭配淺藍色牛仔恤衫，加上涼鞋和黑超，一身悠閒造型，充滿夏日氣息。杏兒為搭配了一個Lonhchamp的Le Pliage Heritage手袋，設計簡約又實用，白色設計與造型非常perfect match。
from:http://hk.apple.nextmedia ... 170730/20106241

TOP

7^# 大中小 young 發表於 2017-8-5 22:02 發短消息

大肚神隱法胡杏兒笠OC衞衣掩眼成功

現已懷孕6個多月的胡杏兒，日前同胡說八道會一班姊妹現身機場，出發去澳洲拍攝旅遊節目。

杏兒大住肚的機場造型竟然發揮大肚神隱效果，正面看起來全不覺肚凸凸。全黑上陣的她，穿了一件美牌Opening Ceremony的新款窩釘衞衣，超鬆身設計遮掩成功大肚。黑色窄身褲都令她看來依然苗條，再加一雙Balenciaga充滿punk味的黑色短靴，混搭出街頭型味，誰說準媽媽造型不可以這樣潮。
from:http://hk.apple.nextmedia ... 170801/20108073

TOP