胡杏兒和老公李乘德（Philip）結婚不足半年仍處於蜜月期，為爭取時間見老公，杏兒早前專程由內地飛台灣，突襲本來未能出席的朋友婚禮，只為老公送驚喜，Philip當日被老婆突然錫面而呆一呆，之後二人甜蜜攬到實。
不過，昨日有週刊報導，指杏兒突襲台灣全因發現老公同行友人中有位富貴巨乳女Joy，因為感到不安才會急飛台灣。現身在無錫的杏兒昨接受本報訪問，強調Joy是她的朋友，還爆對方已有老公：「佢哋係一大班人去台灣出席朋友嘅婚禮，好明顯佢哋係成班朋友一齊去玩，唔需要太多回應同解釋咁多。」她又謂：「百分百信任老公，我同Joy係好朋友，人哋都有老公。」
Philip強調是一大班朋友去台灣參加婚宴。互聯網圖片
昨有報導指杏兒日前突襲台灣，是為𥄫實老公。資料圖片
「對朋友唔住」
至於突襲婚宴一事，杏兒表示：「本來我都要去呢個婚禮，只係咁啱要做嘢，我哋唔會因為擔心會有啲乜嘢新聞而唔去做啲想做嘅嘢，不過冇諗過我老公會擺段片上網，總之我哋都唔會理咁多呢啲嘢！」
Philip昨日亦在Instagram貼出雜誌封面，以及與友人的大合照，並用英文留言：「今次係同大班朋友去台北，但係講到只係得我哋兩個，仲搵埋幾年一齊去Halloween影嘅相，搞到個古仔可信啲。」Philip還說：「對於我、我嘅朋友、同埋我哋啲伴侶嚟講，呢啲咁嘅報導係好唔負責任同唔專業，我覺得對朋友唔住。我太太都識呢個女仔，仲係好朋友，睇完新聞都笑咗好耐。希望呢啲人仲可以自我感覺良好，夜晚亦可以瞓得好，呢啲小事唔會影響到我同朋友之間嘅友誼。」
採訪：何慧斯
from:
http://hk.apple.nextmedia.com/entertainment/art/20160527/19628920
