當年以性感做招徠的女子組合Freeze，拆夥之後，三位成員各散東西，各自尋找理想的生活，個性率直的陳樂榣（Alley），極速擺脫娛樂圈虛浮的生活方式，投入她夢寐以求的藝術世界，成功做了一個畫家，打理畫廊，還做了繪畫老師，把藝術傳宗接代。
撰文：楊潔雯
陳樂榣（右）和唐貝詩份屬好友，先後搞慈善義賣兼與品牌合作。
陳樂榣3歲學畫畫，小時候，老師拿著尺子，督導Alley畫畫坐姿和手勢，今時今日，她夢想成真，成為畫家和繪畫老師。
一身韓look打扮，眼前的Alley煥然一身，還添了幾分貴氣，她由Freeze拆夥開始說起：「拆夥前已經密謀緊，拆夥之後直情轉曬做呢個行業，搞Art Jamming、Party，幫人哋搞event。喺畫室做咗三、四年，入行之前都諗住娛樂圈係踏腳石，入咗娛樂圈係認識到更多人，有更多際遇，又想搵一筆錢去實現夢想，𠵱家實現咗喇！我都幾滿意同埋成功，教小朋友同大人畫畫，搞嚇個人或者師生畫展，喺外國都試過，又會做嚇慈善，最近就幫唐貝詩嘅『名人名星慈善義賣』畫咗幾幅畫義賣，仲有其他唔同品牌叫我crossover，又有啲餐廳對我嘅作品有興趣，非常之開心囉！」
愛上韓風的陳樂榣，努力學韓文之餘，亦嘗試搞一間賣頭飾的online shop，趁有穩定職業，嘗試新發展。
最難忘畫人體寫生
Alley想開畫廊，不過理想和現實總是有一段距離，她說：「最初係有咁嘅概念，自己一手一腳去開一間；但事實係唔容易，一來要資金，二來又驚回唔到本，好好彩遇到呢個畫廊老闆，大家合作至今，亦師亦友，佢投資，我負責打理，大家都好滿意，我又唔需要自己擔驚受怕孭數，可以多一個人去分擔。」自從Alley打理這間畫廊之後，已經打消自己開畫廊的念頭，並全神貫注推廣繪畫藝術，她笑說：「我鍾意畫畫之餘，又鍾意教人畫畫，亦都想香港人接觸多啲藝術文化。我哋嘅畫廊喺中心地帶，每一日都不斷接觸藝術界係自己理想，亦已經做到。」
Miss Alley開班授徒過千，接觸不同層面的人，看盡人生百態，其中一次令她印象難忘，她說：「最特別係有一個住半山嘅人，叫我畫人體寫生。當然佢唔想只係畀幅相你畫，佢可能有少少enjoy個畫畫嘅過程，覺得係一個好好體驗。佢自己本身係讀Art，亦有畫畫，想體驗嚇十九世紀嗰啲人俾人畫人體寫生嘅感覺。對方係女人嚟，不過唔係全裸。」
想開舖賣韓國頭飾
除了打理畫廊及教畫畫外，Alley還有副業，她說：「我好鍾意去韓國睇靚頭飾，就順便買埋嚟做批發，𠵱家學埋韓文，暫時喺online shop賣，畫廊亦有寄賣，遲啲可能搞間實體店，趁年輕，有份穩定職業時，可以嘗試多啲新發展。」
服裝：Viva La Diva
髮型：04-Joseph
陳樂榣（左）、石詠莉（中）、甄詠珊
性感歌女：為錢反面離隊
07年曾經是性感女子組合Freeze成員之一的陳樂榣，10年與甄詠珊因金錢問題鬧翻，其後約滿後便離隊。醉心畫畫的陳樂榣在友人的畫廊教畫畫，直到2012年低調下嫁圈外方姓男友，淡出娛樂圈，以畫廊的工作為主。
from:
http://hk.apple.nextmedia ... 140719/18804939
