專家之言：埋怨投資出錯易變抑鬱
看著身家大縮水，有人鬱鬱寡歡，有人抱頭痛哭，有精神科醫生指，過份埋怨自己作出錯誤投資決定，最易迫人走進死胡同，隨時演變為焦慮症或抑鬱症；若出現功能失調，失去工作能力，就要及早求醫。專家指，金融海嘯打擊遍及全球，對精神健康的影響較沙士疫潮更嚴重，相信現在仍未到高峯期。
「唔想返工就要睇醫生」
香港精神健康促進會主席、精神科專科醫生陳仲謀指，面對金融海嘯，一般人會經歷幾個階段，先是失去金錢，有失落感覺，稱為「心理休克期」；隨之而來是「否定期」，拒絕承認事實發生；繼而是「憤慨期」，有金錢損失者會把事情歸咎於外在因素，例如政府、銀行，部份人則會怪責自己，「呢種係最危險，覺得自己無用、最衰係自己、累咗全家，呢種人最有可能會自殺，就係進入『抑鬱期』。」一般人在6個月時間內會過渡至接納期，但亦有人會演變為焦慮症或抑鬱症，「最重要係睇佢有冇功能失調，好似完全唔想返工咁，就要睇醫生。」他又指，醫療界應嚴陣以待，「沙士過陣為時唔係太長，因為影響多數係亞洲多，今次嚴重啲，影響到全世界。」精神科醫生方日旭提醒巿民不要被巿場牽著鼻子走，免心情大起大落，影響精神健康。 本報記者
金融危機情緒輔導熱線
芷若園：24548800向晴軒：31623030資料來源:上述機構
