今朝睇報紙見到，好似幾得意，唔知響中環邊處呢？
http://hk.apple.nextmedia ... ;cat_id=7349340
麻辣雞蛋仔嘅做法比傳統複雜好多，要將麻辣粉混入蛋漿，又加入辣肉鬆做餡料增加口感，「反覆咁重新調校烘焗雞蛋仔嘅時間同熱度。」芳叔話家先推麻辣雞蛋仔，之後有日本宇治綠茶紅豆雞蛋仔、意大利香草蒜蒜雞蛋仔輪住出場，「每兩個禮拜推出一款，不斷畀啲客驚喜。」
芳叔講得興起，一口氣炮製咗三款雞蛋仔畀小妹試食攞意見。小妹先試食麻辣味，一口咬落，辣辣哋、脆脆哋，幾香口，再嗒多吓，成條脷麻晒，好鬼激。綠茶紅豆雞蛋仔好香綠茶味，加上暖笠笠嘅十勝紅豆，幾啱我哋啲女仔。香草蒜蒜雞蛋仔好惹味，用鐵模一烘，啲香味濃到塞鼻都聞到。升呢雞蛋仔只係限中環店有得賣，供應時間下晝3點到7點，價錢每底由16蚊至20蚊不等。
