59歲萬子（左）清減了，拗腰起來腰力不遜36歲的白只。
萬梓良（萬子）、張繼聰、顏卓靈和白只前晚在灣仔出席電影《今晚打喪屍》煞科宴，59歲的萬子還即場開金口大唱當年主演經典劇《大內群英》主題曲助興。
顏卓靈表示可再跟男友白只情侶檔拍戲。
入行40周年
問到萬子可有考慮過退休？他說：「我本身想做到66歲，到時個仔21歲，但本身有糖尿病，雖然有運動，消瘦啲，都減咗磅。」萬子表示這次劇組很體諒，作出遷就，不過他計劃明年60歲便退休，他說：「明年7月生日前退下火線，退居幕後，做啲自己想做嘅幕後工作，我心願係做一部戲嘅導演，同一套劇嘅監製，做唔做到就要睇我啲徒弟。」出年更是萬子從事演藝事業40周年。
此外，白只和女友顏卓靈孖咇接受訪問，兩人仍想情侶檔？顏卓靈說：「唔知仲有冇機會，唔介意再合作。」開工時可有激烈討論，白只說：「學術上討論有，但冇啲激烈嘅劇情去討論。」有增進感情嗎？白只續說：「唔關部戲事，平時都有增進感情。」
採訪：張俊銘
攝影：沈健程
from:
http://hk.apple.nextmedia ... 160907/19762385
