【盡顯母愛】
盈盈細心拖住囡囡，攞埋自己同囡囡嘅袋一齊上樓。
湯盈盈曾經係無綫御用「狐狸精」，但12年嫁畀錢嘉樂後就「從良」，仲幫老公生咗4歲大女錢凱晴（Alyssa）同下月就兩歲嘅細女錢凱琪（Kassidy）。盈盈𠵱家主力照顧囡囡，前幾日就發現佢揸住架寶馬，接載大女Alyssa去灣仔駱克道一棟商廈，估計佢係帶囡囡去樓上嘅playgroup。
抵達後，盈盈先將車交畀代客泊車，然後就攞埋自己同囡囡嘅袋一齊上樓，囡囡Alyssa就拎住隻匙羹，利用短短兩分鐘路程時間喺度食嘢，雖然掛住食行得好慢，但盈盈都好有耐性，望住囡囡仲笑晒口。不過，Alyssa就好似扭計，仲踏咗幾下地，然後將食物跌咗落地下，盈盈就幫手執番起。
【送女返學】
湯盈盈日前帶4歲囡囡返Playgroup。抵達後，先將車交畀代客泊車。
【行得好慢】
囡囡忽然大力踏地，盈盈接受傳媒訪問否認囡囡發脾氣。
【有公德心】
囡囡將食物跌落地，盈盈即時彎身清理。
上美術堂
不過，盈盈接受傳媒訪問時就否認囡囡有扭計，佢話：「佢將啲食物放上匙羹上面，因為要平衡唔想食物跌，所以行得好慢。」盈盈又話：「我望住啲女就好嗒糖，覺得佢哋好得意。」盈盈仲話，囡囡當日去上美術堂，又話大女已經過咗頑皮階段，反而細女有時會曳，佢笑笑口話：「細女頑皮啲，仲好大膽，有佢老竇身手。」
from:
http://hk.apple.nextmedia ... 170921/20158989
