三月中，湯盈盈為嘉樂仔生咗B女Alyssa，聽盈盈講B女已經有18磅重，肥肥白白個樣似足老竇。B女俾人谷肥，至於生完之後暴肥咗成20磅嘅湯盈盈，最近亦回落到未生前磅數。前幾日，媽咪姐就見到佢shopping完返屋企，本身腳幼手幼嘅湯盈盈，生嗰陣水腫到成個肥師奶咁，呢日見佢，明顯瘦咗兩個碼。好似話係跟好姊妹鍾麗淇做瑜伽，又跟足餐單食得清淡，至可以極速減磅。唉！湯盈盈短短時間已經瘦番，真係恨死飲杯水都肥嘅媽咪姐囉！
湯盈盈嗰日泊好車返屋企，雖然全身包到冚，但明顯隻腳已經回復到未生時嘅水平。
上個禮拜父親節，錢嘉樂上載佢同B女Alyssa嘅合照，相中Alyssa塊面肥嘟嘟，同老竇成個餅印咁。
湯盈盈生完B女同嘉樂仔見傳媒嗰陣全身水腫，估唔到短短三個月就回復苗條身形。
