恭喜恭喜湯盈盈為錢嘉樂懷胎10月，終於週日(10日)中午12點半半山嘉諾撒醫院誕下囡囡Alyssa。至於中文名，剛升任做爸爸錢嘉樂疑假似真地說：「我之前諗過錢世、錢進！但因為女，我想叫錢晴，但要等我爸爸去修飾下。」
其實日前已有消息指盈盈已經順利產女，但佢朋友為免騷擾佢休息，所以都守口如瓶。直至本週二(12日)出院前她們才通知傳媒。當日下午兩點幾，精神奕奕盈盈樂樂拖住之下見記者。樂樂開心表示做爸爸心情好「amazing」、「incredible」同「wonderful」，更好彩有入產房，親手為囡囡剪臍帶，他仲得戚咁話：「我仲可以教老婆點呼吸。」至於問到似邊個，樂樂搞笑地說：「護士話似我，我即刻諗起Bonnie（無節目《盛女愛作戰》參賽者，被指是女版錢嘉樂），我覺得似佢媽咪，似佢對眼咁闊，第日應該會係大眼睛。」
至於盈盈媽咪睇精神唔錯，對於生仔感覺，佢話：「今次生B唔算太辛苦，我準備自己餵人奶，所以暫時會全職湊女，同埋已經請陪月幫我，應該冇咩問題。」訪問完後，盈盈同樂樂坐保母車返回盈盈北角半山屋企。可能盈盈爹地、媽咪加拿大返，照顧孫女同乖女。
