錢嘉樂一邊讀問題，一邊騷答案。電視圖片
由森美、錢嘉樂和草蜢主持的無綫直播節目《超強選擇1分鐘》，繼第一集出街即現死server後，前晚又出現蝦碌場面。當錢嘉樂一邊睇貓紙一邊讀出第二條問題：「你認為以下三位藝人在滑水梯競賽的名次是甚麼？請由第一至第三名依次序排列。」此時鏡頭影着錢嘉樂的大頭，貓紙在螢幕前更清晰可見答案「CBA」，難怪參加人數達158,420人，得到最高1000分人數更有145,524人，一班主持人卻懵然不知，並在鏡頭前說有好多觀眾答對問題，好厲害！真是「超強蝦碌1分鐘」！
節目系統提示逾15萬人參加，竟超過14萬人答對問題。電視圖片
張秀文（右起）、松岡李那與樂瞳在節目挑戰滑水梯競賽。電視圖片
34D張秀文玩得投入，更贏另外兩位對手。
電視圖片
張秀文拋胸成亮點
負責外景部份的森美，昨日在電話中直言知道此事，笑說：「呢個我都知，我覺得當然大師兄（錢嘉樂）係無意想畀大家睇，咁有一樣嘢係好公平，大家都睇到吖嘛！因為全世界都係得大師兄睇唔到，如果有啲人睇到、有啲人睇唔到就唔公平，不過，都開咗出嚟，係冇涉及唔公平嘅情況，你見到三個英文字母，又冇寫係咩，又唔知代表啲咩，跟與唔跟都係自己決定，大家都睇到，就係公平㗎喇！」
至於節目還有另一「亮點」，前港姐張秀文穿上三點式泳衣大騷34D激凸胸，阮兆祥和張繼聰亦口多多，笑指根據「牛頓定律」秀文BB負重力高及胸肌靚。而松岡李那的白色衫下更透視「兩點」花紋，她笑說：「冇諗過變成咁，上電視唔會咁crazy。」
採訪：皓騫、嵐山
from:
http://hk.apple.nextmedia ... 150724/19229960
