週日（六月十六日）父親節，對初為人父的錢嘉樂特別有意思，可惜當日冇得陪老婆湯盈盈同寶貝女錢凱晴，無他，搵奶粉錢要緊。至於替代妻女陪錢嘉樂過父親節的金剛，全日以僭建C奶轉足七個look上陣，對於獎門大師兄錢嘉樂力讚似阿嬌（鍾欣桐）好受落，還自誇說：我真係幾索㗎！
做女人好辛苦《獎門人》獎老錢嘉樂同阿Lo林曉峰再加半鹹淡金剛，被老細睇起，欽點三人為Samsung Galaxy S4拍攝新一輯宣傳片。
全男班，嫌太dry，由金剛出馬，易服扮女人，全日換足七個look，外傭孖妹女boss款款不同，金剛坦言扮女手到拿來，反而是全日頂住對假C奶好難受。
「我終於明啲女人成日話要揀個啱身嘅bra係點解，我成日戴住，好箍，點郁都唔舒服，仲有嗰對高踭鞋，都唔明啲女仔可以成日著住，仲有對絲襪，一著就俾我整爛咗！」金剛說。
學生孖妹金剛托住C奶扮cute，坐在前排的錢嘉樂嗌晒救命，嫌重口味。
你邊有我咁省鏡！（設計對白）
外傭
扮外傭抱住的BB，將會由錢嘉樂扮演。
鄰居
濃妝扮鄰居，配書蟲look錢嘉樂，騎呢！
阿嬌冠希同場造型之中，金剛認為孖妹同女boss最有得發揮，連全日孖住開工的錢嘉樂，都忍唔住口讚：「個衰仔（金剛）掂㗎，扮咩似咩！」
午飯之後，轉景到中環office繼續拍，化好妝，望住變身成女boss的金剛，錢嘉樂說：「吖！望落你又幾似阿嬌喎，由天台望落嚟嗰陣！」
轉數快的金剛立即反擊：「係呀！我好索㗎！大師兄（錢嘉樂）喺山頂望落嚟，你都好似Edison（陳冠希）。」
Boss著套裝，戴假哨牙，金剛睇落激似廖偉雄扮的乜太。
老西look的錢嘉樂，戴埋假髮同阿Bob林盛斌可以做孖生兄弟。
邊著絲襪邊問錢嘉樂自己係咪好sexy的金剛，因為粗手粗腳，絲襪即爆開報銷。
成日諗住個女
為了扮女人，金剛每次轉妝都要花時間上妝戴假髮。
金剛、錢嘉樂同林曉峰，大可組隊「金錢Lo」同王祖藍、李思捷和阮兆祥的福祿壽爭一長短。
初為人父的錢嘉樂，近月刻意停工陪老婆坐月兼湊BB，雖然父親節在工作中度過，但提起囡囡凱晴，冧爆樣表露無遺。
「預咗今日要開工，所以噚日帶埋囡囡一家食飯，今年做咗人爸爸，父親節零舍有感覺，以前啲人成日話養兒一百歲，長憂九十九，我而家真係有好深刻嘅體會，好似呢幾日佢咳，我個腦就不停咁諗住佢咳喎，有無好啲呢，成日會不自覺咁諗到失晒魂！」錢嘉樂說。
