當年鍾欣潼（阿嬌）捲入陳冠希的慾照風暴，雖然已經是陳年往事，但在本月初阿嬌在網上玩直播時，卻有不少網民留言提到陳冠希，似乎在她的傷口上灑鹽，搞到阿嬌低頭兼哽咽！
張智霖拒做媒人
前晚阿嬌和張智霖到將軍澳出席電影《京城82號II》首映，着黑色露腰連身裙的她瘦了不少，在活動上幾乎仆倒，幸張智霖反應快出手相扶，避過一劫。祝酒時，阿嬌豪氣乾杯，並將酒杯丟到地下。對於網民亂入講陳冠希，阿嬌說：「當日我做咗個live，我冇唔開心，只係條頸有少少痛，郁唔到，加上有少少亂，唔知啲網民想我答乜，其實我都冇乜點睇留言，又唔係專登望住電話，只係個mon太高，我條頸又抬唔高，所以工作人員畀咗個電話我，我就低頭睇住個電話，其實當時啲留言都快得滯，所以都唔係好睇到。」
阿嬌於本月初玩直播時，有網友不停提陳冠希，令她一度哽咽。微博圖片
當年阿嬌捲入陳冠希事件，幾經辛苦才走過低谷。資料圖片
對於好姊妹蔡卓妍（阿Sa）有拖拍，問阿嬌會否羨慕？她說：「個個都會拍拖啦，唔通人人都要想拍咩？𠵱家未遇到對象。」問張智霖會否介紹好男仔給阿嬌？他笑說：「吓，又係我？我身邊都好多剩女，男仔要加把勁，同埋我都唔做媒人，如果人哋唔啱咁點算？同埋我身邊啲男人都係走冇鬼用路線。」
【險仆】
阿嬌上台時幾乎仆倒，幸張智霖眼明手快扶實。
【勇救】
張智霖勇救險仆的阿嬌，虛驚一場。
讚圓潤靚有美感
此外，張智霖指阿嬌拍戲時沒現在般瘦，識做地讚：「係兩種唔同嘅美感，珠圓玉潤有珠圓玉潤嘅靚。」問到阿嬌怎樣減肥？她說：「之前荷爾蒙失調，𠵱家會注意，少食多餐同埋做運動，因為我背部冇肌肉支撐，右手冇力，可能啲神經壓住條頸，過兩日會去睇醫生。」
採訪：卓寶花
攝影：仇志德
from:
http://hk.apple.nextmedia ... 170724/20099134
