錢嘉樂撐舊愛關秀媚「盈盈唔湊女睇實我」

久違了的關秀媚昨日在九展出席「第十屆香港噶舉大祈願法會」，同場有舊愛錢嘉樂和太太湯盈盈、唐寧與苑瓊丹等。淡出娛圈的關秀媚已48歲，但狀態不俗，她稱今次是以義工身份替大會邀請嘉賓，96年與她拍過拖的錢嘉樂，亦是她邀請出席。

「唔方便攬佢」

關秀媚說：「我叫咗好多藝人都有嚟，好似嘉樂，一叫即刻話冇問題，我都叫佢帶埋太太同埋小美女（囡囡）。」問到他們分手後是否少聯絡？她有點尷尬地說：「嚇，唔記得喇，冇諗呢啲嘢。」她稱戥嘉樂一家三口開心：「梗係戥佢哋開心，我頭先即刻攬美女盈盈，因為唔方便攬佢！」

感情生活方面，關秀媚笑說：「我有另一半好耐喇，好良好，十分健康。」不過避談是否已結婚。至於有否戲癮復出幕前？她說：「話冇就假嘅，依然好鍾意睇戲，係喇，志偉（曾志偉）點解唔搵我，我唔係投訴，呢啲睇緣份，完全冇刻意話出嚟拍戲。」

錢嘉樂和關秀媚96年拍拖，戀情只維持了一年多。資料圖片

淡出娛圈的關秀媚雖仍有戲癮，不過對復出一事隨緣。

唐寧對近日接連發生虐畜案，覺得應將刑罰提高。

盈盈：你逼我嚟

另一方面，嘉樂被問關秀媚稱不方便攬他，嘉樂指一指盈盈並笑說：「佢代表咪得囉，我哋有時喺朋友聚會見到面，會傾兩句，有意義活動實支持。」嘉樂亦稱囡囡因為返playgroup未有同行，他更抵死地說：「原本盈盈同佢返學，但佢又要睇實我！」盈盈即說：「係你逼我嚟㗎！」

懷孕接近6個月的唐寧稱因3歲兒子太細，所以未有一同出席，她說：「囝囝已經返咗學，比想像中好，冇喊，不過最緊要佢返得開心。」

採訪：溫敏芝
攝影：陳俊強
From:http://hk.apple.nextmedia ... 140907/18858106

錢嘉樂、湯盈盈及關秀媚等昨日到九展出席法會，嘉樂眼見老婆盈盈與「舊愛」關秀媚同場，為免惹起誤會，即笑稱是逼老婆到場（目及）實自己。

家樂與盈盈到場，自嘲要畀老婆「睇實」。

錢嘉樂、湯盈盈夫婦昨日現身九展參加法會，獲舊愛關秀媚邀請出席的嘉樂疑怕惹誤會，故帶同老婆盈盈到場，現場秀媚笑稱要攬盈盈「示好」，但不方便擁抱嘉樂。對此嘉樂自嘲是被老婆「睇實」：「係秀媚叫我嚟。（佢唔方便攬你？）盈盈代表咗我。（同佢多聯絡？）唔太多，朋友聚會傾幾句。（唔帶囡囡嚟？）本來盈盈帶女返學，但佢要嚟睇住我！」盈盈聞言即踢爆嘉樂「逼」她監場。問到囡囡上學有否扭計？嘉樂大讚她聽話：「佢唔會扭計！（演唱會帶囡囡上台？）我仲驚過佢，佢見到媽咪仲識揮手！」

感情良好又健康
久未露面的關秀媚自爆主動邀「舊愛」錢嘉樂攜眷現身：「我叫佢帶太太同小美女（錢嘉樂女兒）嚟。（分開後有聯絡？）忘記咗（舊情），冇諗到。我見到佢哋好開心，我攬咗美女盈盈先，唔方便攬嘉樂！」談到感情生活，她直認感情方面良好又健康，自認有戲癮發作的她卻稱暫無意回歸幕前。

關秀媚笑言有戲癮，但冇刻意諗復出幕前。

田蕊妮首度參加於香港舉行的法會。

唐寧腹大便便出席活動。

田蕊妮斥洗狗男
另外，田蕊妮談起日前有小狗被放洗衣機沖涼一事，她嬲爆稱冇眼睇：「好憤怒同好慘，唔想睇同唔想提，要早日將對方（洗狗男）繩之於法！」旁邊腹大便便的唐寧則指「洗狗男」行為與謀殺冇分別，應提高刑罰。

文：影視組
From:http://orientaldaily.on.c ... /00282_070.html