已經榮升媽咪嘅湯盈盈，依家家庭事業兩得意，呢日佢趁住唔使湊女，一身全黑鬆身衫去中環supermarket掃貨。媽咪姐見佢推住架購物車超市穿梭，主要揀吓蘋果、薯仔同鮮肉呢啲正常嘢。但佢喺選貨過程中，除咗會細心睇吓營養標籤，又會打電話問吓意見，睇唔出平日大癲大肺嘅湯盈盈又幾注重健康喎！所以媽咪姐成日都話，女人結婚之後唔可以懶，就算做師奶，都要做個精明靚太，盈盈掂呀！
有途人認出湯盈盈，問佢可唔可以影相，答案當然係：「Why not?」
盈盈𥄫實收錢，睇吓有冇打錯價。冇法啦！老公錢嘉樂搵錢都辛苦㗎！
話咁快囡囡錢凱晴就一歲嘞！錢嘉樂錫到佢濃，呢個小家庭真係幸福。
