藝人湯盈盈在本月10日為老公錢嘉樂誕下愛女Alyssa，已接了兩母女回家的嘉樂昨日幸福滿瀉以短訊表示一切「感覺良好」。至於盈盈在《老表，你好嘢》中的拍檔郭晉安昨日則聯同田蕊妮、黃翠如等為新劇《舌劍上的公堂》開鏡拜神，對於盈盈順產生女，安仔大讚她叻女，問他會否爭做契爺，安仔表示不會，他說︰「等佢返嚟我哋可以一齊交流湊B心得。（探佢？）未呀，等佢冇咁忙先，BB出世頭段係最辛苦。（送嘢畀BB？）會，不過會送啲大少少年紀嘅嘢，因為BB大得快。」至於蔡少芬亦有在微博恭喜二人產女。
郭晉安與田蕊妮齊為新劇開鏡拜神。
另外，田蕊妮對於老公杜汶澤將在新戲《爛滾夫鬥爛滾妻》中床戰多位女演員，她說︰「恭喜佢，仲會拍住佢女神周秀娜，我都同佢講可能佢個人好咗，多咗好事埋身。（監場？）點會呀，自己都要開劇，佢望吓女仔啫。（娜姐最近失戀！）睇番娜姐之前嘅紀錄佢兩個唔太啱。」
From:
http://orientaldaily.on.c ... /00282_046.html
