與林德信玩瑜伽松岡：佢話我好緊

世界盃進入四強，前晚則有不少商場和酒吧舉行有關世盃活動，見證四強誕生過程。短裙谷胸露腰的松岡李那和師妹山奈嵐出席尖沙嘴酒吧騷，曾經在巴西住過的松岡力撐巴西，松岡表示跟緋聞男友林德信（Alex）沒有一齊看世界盃，但是平時有跟Alex學瑜伽，問Alex有冇讚松岡身體好柔軟？松岡說：「冇，不過話我好緊。」

另外，Yumi（尹蓁晞）、仙樂都和LuLu王璐瑤穿著性感球衣和超短褲在中環酒吧出席世界盃活動，Yumi表示跟男友Avis在家打牙骹戰：「我贏就佢煮飯，佢贏我就幫佢按摩。」Yumi跟New Moon公司和平解約，她相信男友可充當其經理人。

仙樂都與AD2斬纜

波褲著到似內褲的仙樂都，被問到好朋友AD2成員Amy獨立發展，她即劃清界線，又指對方精神不穩，電話中又喊又笑，還不齒Amy有一顆露點為人群服務的心。

王寶寶（春捲）則以熱褲示人，現身馬鞍山新港城中心的世界盃狂歡派對，她表示支持英格蘭，可惜已出局，現轉投德國隊，此外她最近忙於創作血腥題材的劇本。

Yumi谷胸出席世界盃活動，還透露跟男友為世界盃在家玩牙骹戰。

波褲著到好似內褲，只有仙樂都才可以。
from:http://hk.apple.nextmedia.com/entertainment/art/20140706/18789556

掀起全城熱話的世界盃進入四強階段，主辦國巴西將對戰德國，雖然巴西男神尼馬受傷緣盡世界盃，但死忠fans松岡李那表示會跳住森巴舞撐愛隊，陳嘉桓則會跟愛犬齊齊打氣！另一邊廂，宅男女神周秀娜將食住德國腸撐德軍，相信德國球星知道後勢必踢得更醒神！

周秀娜約伊健捧德國

2014年巴西世界盃四強名單揭盅，主辦國巴西將於7月9日迎戰傳統勁旅德國，力爭決賽席位，巴西腳法華麗奪目，德國戰術穩打穩紮，兩隊均坐擁大批fans，多位星級球迷未開波先興奮，上演一場牙骹戰！

雖然巴西球星尼馬在八強對戰哥倫比亞的賽事中受傷，腰椎骨裂而緣盡世盃，但一班「巴西躉」依然效忠，日模松岡李那前晚身穿低胸裝出席世盃活動時，自認是巴西隊的fans：「我鍾意巴西，我好多朋友係巴西人，佢哋好熱情，鍾意跳森巴舞，我最愛球員尼馬，希望佢早日康復。」她又表示會相約好友睇波，更會跳住森巴舞支持愛隊！

徐子珊似我「打不死」

松岡李那跳森巴舞撐愛隊
陳嘉桓唔賣舅婆帳
武打女星陳嘉桓（Rose）表示其舅婆是德國人，但親戚都冇情講，她會照樣熱捧巴西：「巴西係主辦國，冇得輸！我唔係燈神，同朋友估中咗好多場，我會約朋友去BBQ睇波，除咗自己買巴西波衫，仲會幫埋隻狗買，一齊支持巴西！」勁愛尼馬的無綫女星何傲兒亦力撐愛隊：「希望尼馬受傷會令全隊人更有士氣，仲有好多好波之人！理性上我認為德國高少少，但點都撐巴西！我估巴西贏二比一！」女星何佩瑜（Jeana）表示向來有情意結支持巴西：「就算冇尼馬，但全隊波嘅精神狀態都幾好，好堅！有冠軍相！下場對德國一樣實食冇黐牙！」

陳嘉桓係親戚都冇情講

何佩瑜實食冇黐牙啦

何傲兒尼馬受傷反激勵士氣
徐子珊肉緊到大嗌
另一邊廂，德國隊連續幾屆也能打入四強，表現穩定深得球迷歡心，女神級的周秀娜亦情傾德國猛男，她寸爆巴西損兵折將，絕非德國對手，屆時會食住腸撐愛隊：「主將尼馬受傷，隊長因兩張牌停賽，巴西捧唔到盃o架喇！德國進攻講整體，我對佢哋有信心，當日諗住約鄭伊健同旦哥（鄭丹瑞）一齊睇波，會買埋德國腸一路食一路撐德軍！」上屆港姐季軍朱千雪前晚出席TVB世界盃活動表示力撐德國：「佢哋今屆踢得好好，而且我爹哋都鍾意，支持！」女星徐子珊大讚德軍夠硬淨，猶如她一樣「打不死」：「我捱住眼瞓睇德國，見到門將紐亞撲出法國差啲入嗰球，我肉緊到Yeah咗出嚟，嚟緊一樣會唔瞓覺睇波！」至於熱愛足球的影星任達華在微博力撐德國：「開球啦！支持德國隊！」

任達華微博po文發功

朱千雪我爹哋都係fans
from:http://orientaldaily.on.c ... /00282_001.html

林德信（左二）扮儍仔學生，與徐正曦（左一）、張楚楚（右二）及盛君拍校園片。

吳千語、周麗淇男友徐正曦和林德信等昨日在香港仔一間學校出席新片《青春鬥》開鏡儀式，化身可愛儍仔學生look的林德信，談到初戀是18歲讀大學時，對象是位美籍日韓混血兒，他說：「分手原因係佢唔鍾意我，佢唔睬我，好心痛，當時有同媽咪、Sally（葉蒨文）講，我同Sally比較close。」緋聞女友松岡李那日前透露跟他學瑜伽，被他指身體好緊，林德信對此說：「我從來冇話過佢緊，佢學得好快，好有天份。」

吳千語扮學生妹拍校園片。

千語和徐正曦在戲中飾演一對，二人合照時，徐正曦有所避忌，問到是否怕女友周麗淇呷醋？徐正曦笑說：「我怕他男友（林峯）不開心。」
from:http://hk.apple.nextmedia ... 140707/18790495