卓韻芝、鄧麗欣（Stephy）、湯怡和黃又南等藝人最近參加了一個名為MediLASE「Dare For The Best」網絡紅人挑戰賽，他們每位藝人要選擇一種挑戰拍成一條短片參賽。Stephy選擇做一日藝人保母車司機，「服侍」As One出入，湯怡就去了居酒屋打工，黃又南則去了澳門玩笨豬跳。
平日敢愛敢做的卓韻芝選擇挑戰一個從來未做過，亦不敢做的瑜伽高難度動作，她日前接受本報專訪時說：「以前我係唔鍾意做運動，唔鍾意流汗，又鍾意喺屋企，唔知點解突然戲劇性改變，可能係年紀大咗，同埋去倫敦讀書嘅經驗徹底改變咗我，之後返嚟就多咗行路，多咗出汗曬太陽，貼番地啲，好享受流汗感覺，用自己身體去做到呢樣嘢，其中一種就係瑜伽。」
阿芝成功挑戰反轉再反轉的高難度瑜伽動作。
Stephy（前）挑戰做一日司機，載As One出入。
不逃避講政治
本身是半個瑜伽高手的阿芝，有一個動作她一直不夠膽做：「其實我喺瑜伽入面好多動作都唔敢做，其中一個最唔敢做就係headstand，手同頭貼住地，然後成個人反轉，其實係成個人倒轉，一個倒立，一路都唔敢做，老師話我其實係夠力做，佢話呢個係一個膽量，你覺得隻腳提起離地你就好驚，唔係能力問題，係膽量問題，dare for the best。我覺得今次做到就開心，唔係完美。」不過最後阿芝改為挑戰另一個反轉再反轉的高難度動作，試了幾次後亦成功做到。
完成挑戰之後，阿芝忙於籌備書展出版的新書，接著又要籌劃talk show：「話題係社會上嘅不滿，經濟唔好，大家越來越cheap，喺呢個環境下嘗試用兩蚊生存四年，工作上，情感上，我亦唔會刻意逃避講政治，因為政治已經成為我哋生活上一部份，又唔會為咗講政治而講政治。」
採訪：曹家誠
from:
http://hk.apple.nextmedia ... 160607/19643613
