雙手緊握布邊，將一隻腳放上佈上，然後反身向外，後腳用力登直，如學員夠力，可以嘗試升高重心腳。嫦娥奔月可以紓緩日常身體傾前的壓力，並鍛鍊後展力量。攝影：陳順禎
難度：★★★★
（最高難度為五個★）
擁有35E激凸身材的莊端兒，最近傳被太陽娛樂揸弗人周焯華（洗米華）力追，原來莊端兒為穿當晚的勝利戰衣，曾下過不少苦功減肥。體重曾達一百二十磅的她，為求在十日內極速收身，除節食之外，還勤練空中瑜伽，莊端兒說：「Keep fit唔係為取悅男人，而係由自己出發，因為我貪靚嘛。」
撰文：嵐山
莊端兒最近傳被老闆娘諸葛紫岐棒打鴛鴦，令她與男友張致恆（Steven）被迫分手。但失戀女人都要靚，早前莊端兒出席亞洲電影大獎頒獎禮時，一襲超低胸晚裝艷壓全場，有傳洗米華邀合照並即場「抄牌」攞電話。
莊端兒操fit誘人身材，成功引得洗米華抄牌。《壹週刊》圖片
【倒轉開膊】
將上半身和頭部向下，雙手在背脊向後緊扣登直以作小休息。有助拉鬆平時被地心吸力壓實的關節，又能刺激腦下垂體，有抗氧化及美白作用。
難度：★★★
消滅天敵
原來莊端兒為穿當晚的低胸裙，事前要積極減肥，選擇玩能夠極速收身的空中瑜伽。日前莊端兒去到旺角一間空中瑜伽教室練習，見她上佈帶有板有眼不似初學者，她說：「我以前喺澳洲考過瑜伽教練牌，但有次自己咳得好犀利，搞到椎間盤骨凸出，壓到神經線好痛要入院，呢次意外後我就冇再玩瑜伽。」
現在莊端兒轉玩空中瑜伽，只嘗試做初階動作，但仍有效對付女人最大敵人：肚腩、水腫、粗腿，她說：「都係一項挑戰，因為係好慢玩一個鐘，會令個人calm down，連脾氣都好埋，唔會咁易竧。」莊端兒在布帶上拉筋warm up不足十分鐘已滿頭大汗，之後連環做燕子式及空中半一字馬，及拉直整個人的倒吊動作，做完起身已見頭暈暈，莊端兒說：「因為不停upside down（倒轉），所以一定要慢玩，其實玩空中瑜伽都幾離地嚇，好需要膽量，初學者一定要有導師指導，唔夠力好易滑落嚟，好易出意外。」
【弓式】
讓學員習慣空中瑜伽的入門動作，先用雙手扶住布邊，讓頭及上身向下，身體適應後便可放手捉足，可紓緩關節壓力。
難度：★★★
【燕子式】
以弓式為基礎，頭和身體再慢動作上移，一邊大腿拉近身體，另一隻腳用力伸直，如穩定便放開一隻手向外打開，有助鍛鍊核心肌肉。
難度：★★
空中瑜伽要運用身體各部位肌肉，莊端兒在開始之前當然要有適當熱身。
十日見效
由於玩空中瑜伽需要大量的體力，減肥及收身效果特別顯著，莊端兒說：「我嘅脂肪比例比正常人多，又容易吸收。而當晚嗰條裙真係冇得遮，所以我要的起心肝減肥，晚上六點後唔食任何澱粉質，餓都只會食水果同烚菜。仲要配合運動，每日喺屋企做一set運動，主要收肚腩，有時間仲會去做空中瑜伽，慢玩一個鐘，每個甫士都keep住五個呼吸，每次三秒呼三秒吸，十日已經見到成效。見自己瘦咗，下巴又尖咗就keep住玩，兩個月差唔多瘦咗十磅，𠵱家得一百一十幾磅。」
努力減磅，是否要為取悅男士？她笑說：「梗係唔會，我真係由自己出發，因為我貪靚嘛。」曾否被男友嫌太肥？她說：「笑我就有，搣嚇我肚腩囉，但唔會令我嬲，反而自己會檢討。」她更乘機澄清與洗米華的關係：「好無奈呀，只係影過一張相，對方一直冇搵過我。華哥多人識，原本一班內地女士搵佢影相，後來拉埋我，影影嚇就變咗得我哋兩個。」莊端兒堅拒做第三者，她說：「將心比心，自己都唔想發生，點解要加諸於人。」
場地提供：Lithe Yoga
化妝及髮型：Faye's makeover
from:
http://hk.apple.nextmedia.com/entertainment/art/20160529/19631899
