12年出道跳唱女子組合SuperGirls，近年開始各有發展，早前成員Yanny被踢爆跟Heidi有米前度陳考威（Garath）拍拖，致令兩人反目，Heidi更取消關注隊友ig。兩人日前出席活動再被拍到貌合神離，對前度放不低，不過有指Heidi亦有新歡，年初撻著洗米華愛將，太陽娛樂高層Kevin。做咗高層女友，Heidi被安排在古天樂電影出現以及開戲捧做女一。
歐洲睇騷
今年初，Heidi（李靜儀）跟隊長Aka（趙慧珊）簽約洗米華愛將Kevin揸弗的娛樂公司「非凡娛樂」，SuperGirls五個女仔就只得她和Aka被睇中。不過Heidi更快多一步，簽約後即接拍電影《常在你左右》，雖然戲份不多，不過就有機會跳級拍住古天樂。
有指Heidi去年跟有米監製Garath甩拖後，Kevin即開始力追，年初開電影公司，第一時間收歸旗下：「Kevin對Heidi好好，《常在你左右》開鏡，Kevin特登拉住古仔同佢影合照，其實睇完Heidi有份拍嗰套《微交少女》，Kevin已經覺得佢有talent，而家自己簽埋，梗係希望女友喺影圈有作為，嚟緊仲會開戲捧佢。」身邊人說。
Kevin成為半個經理人後（跟出道所屬的模特兒公司Jamcast各佔一半經理人合約），Heidi工作量明顯增加，先後被邀到韓國、歐洲等地睇騷。Heidi近半年亦經常開心share，將在當地吃喝玩樂生活片段放ig。
Kevin是洗米華愛將Alex（左一）好兄弟，二人很多時候都會拍住搞電影。
「非凡娛樂」開張當日，太陽娛樂高層Paco和Alex都有到賀，簽了做親生女的Heidi更企正老闆Kevin身邊，細心留意，Heidi嬌嗲搭住男友膊頭。
年初電影《常在你左右》開鏡，Kevin（紅圈）帶住有份演出的Heidi出席，其間更安排她跟老友古天樂合照。
14年拍電影《微交少女》，Heidi被讚有演戲天分，之後亦接拍了電視劇《M club》。開戲捧Heidi
對於Heidi被老闆兼男友力捧，半個經理人Miranda承認Kevin為她開戲，她說：「我哋最主要希望『非凡』幫到啲女仔拍電影，所以如果佢開戲，都會俾Heidi同Aka。」
至於二人是情侶關係，Miranda卻代為否認：「以我所知就唔係嘅。」會不會是翻版鄭俊弘跟何雁詩例子，連她也被蒙在鼓裡，Miranda好有信心：「我相信啲女仔會第一時間話我知。」二人有沒有機會發展？她就轉口風：「我唔知日後嘅嘢，其實佢哋幾個都咁大個女，我唔會阻止佢哋拍拖嘅。」
有指前度跟Yanny拍拖，Heidi心裡一直有條刺，組合更因而分為兩黨，Miranda表示五個女仔會在暑假繼續出新歌，亦不會如傳聞解散，她說：「雖然有件事發生咗，但都唔影響佢哋感情，大家會繼續做嘢。」
近大半年，Heidi經常出外睇騷，早前被邀去歐洲睇Maxmara時裝騷。
到韓國睇MCM騷。
工作量增多，Heidi亦愈來愈富貴，經常坐飛機周圍去外，又戴價值四萬多勞力士錶出活動。
Heidi跟陳考威拍拖時，曾孖男友飛台灣探余文樂班。
Yanny（右二）承認跟Heidi前度陳考威拍拖，身為唱片監製的男友表示會全力支持女友。
Yanny跟陳考威被踢爆早前孖住去日本旅行，有指Heidi對二人拍拖一事耿耿於懷。
SuperGirls出道五年，各有各發展，年初她跟隊長Aka（中）簽約「非凡娛樂」後，被指組合已經分為兩黨。
撰文、攝影、攝錄：娛樂組
