眼見官恩娜上《超級巨聲》可以一曲成名,過往演出的片段屢創YouTube點擊新高,既然互聯網威力不容忽視,入行兩年的Freeze師妹雨僑(羽翹),有樣學樣將自彈自唱片段放上網,當中翻唱鍾嘉欣的《其實我不快樂》點擊率更高達十八萬。網上人氣急升,得寵指數同樣高企,老闆蕭定一更順勢安排出碟,眼見師妹要風得風,Freeze石詠莉(Suki)於是化身fans上網留言插爆雨僑(羽翹),擺明憎人富貴。
![石詠莉扮Fans踩師妹 雨僑(羽翹):佢心知肚明圖片1](http://hk.next.nextmedia.com//images/next-photos/NextMag/1034/640pixfolder/E1034-13F/A.jpg)
![石詠莉扮Fans踩師妹 雨僑(羽翹):佢心知肚明圖片2](http://hk.next.nextmedia.com/images/next-photos/NextMag/1034/640pixfolder/E1034-13F/10162099.jpg)
現年廿四歲的雨僑(羽翹),畢業於港大生物系,有八級鋼琴資格,有學歷又有音樂天分,惜入行兩年星運麻麻,只有跟倪震的緋聞令她人氣微升。深知樂壇競爭激烈,雨僑(羽翹)深明自我宣傳的重要性,於是將多首自彈自唱口水歌片段放上互聯網公諸同好。片段中,雨僑(羽翹)除大晒琴技與歌藝,更會素顏、戴眼鏡、穿上小背心示人,絞盡腦藹l引網友,當中她翻唱鍾嘉欣的《其實我不快樂》點擊率高達十八萬,而翻唱鄧麗欣的《不要離我太遠》,更被激讚唱功好過原唱,證明無白費心機。
老闆力捧
向來有生意頭腦的蕭定一,見雨僑(羽翹)網上走紅,便順勢為她舉行音樂會及推出個人唱片,但同一時間,網上突然出現一批「反羽」聲音,力數她未夠班,才華唔及師姐石詠莉,除引起兩幫fans罵戰,更有傳在網上煽風點火兇手,竟是石詠莉本人。
「除咗雨僑(羽翹)之外,陳樂榣同甄穎珊都俾人鬧佗衰石詠莉,全部都讚石詠莉又識作曲,跳得又唱得,最離奇係個網友講嘢嘅語氣似足石詠莉,裡面有啲內容係自己公司人先知,所以大家先肯定石詠莉係真兇,專登扮fans抬高自己踩低人哋。」知情者說。
雨僑(羽翹)上週三(十二月廿三日)在銅鑼灣舉行首張個人同名EP記者會,席間繼續施展自彈自唱功架,身在外地的老闆蕭定一,更託同事送上一封維也納進修音樂課程大利是,得寵指數急升,心情興奮的雨僑(羽翹)說:「好開心啲人開始知我係雨僑(羽翹),唔再叫我做Freeze師妹。」提到石詠莉化身fans大鬧互聯網,雨僑(羽翹)唔客氣還擊:「我有同公司反映,唔希望內鬥,大家坐埋一條船,係咪應該對外呢,有冇做自己心知肚明。」對於石詠莉扮fans在網上狂插同門姊妹,甄穎珊則說:「好早聽過呢樣嘢,總之公說公有理,婆說婆有理,我唔講咁多啦!」
![石詠莉扮Fans踩師妹 雨僑(羽翹):佢心知肚明圖片3](http://hk.next.nextmedia.com/images/next-photos/NextMag/1034/640pixfolder/E1034-13F/13e.jpg)
![石詠莉扮Fans踩師妹 雨僑(羽翹):佢心知肚明圖片4](http://hk.next.nextmedia.com/images/next-photos/NextMag/1034/640pixfolder/E1034-13F/10100788.jpg)
雨僑(羽翹)與陳樂榣及甄穎珊月前出席活動時有傾有講,三人完全當石詠莉(左)透明,擺明玩杯葛。
向來未被人注意歌藝的「緋聞女王」官恩娜早前在《超級巨星》憑一曲《Endless Love》在網上熱播,人氣急升。
![石詠莉扮Fans踩師妹 雨僑(羽翹):佢心知肚明圖片5](http://hk.next.nextmedia.com/images/next-photos/NextMag/1034/640pixfolder/E1034-13F/zz.jpg)
![石詠莉扮Fans踩師妹 雨僑(羽翹):佢心知肚明圖片6](http://hk.next.nextmedia.com/images/next-photos/NextMag/1034/640pixfolder/E1034-13F/9141726.jpg)
雨僑(羽翹)將自彈自唱的片斷放上網,人氣急升,更引來fans在網上開火,更有傳師姐石詠莉是幕後黑手。
易燃物體
自稱冇整容、五官身材天然生晒嘅石詠莉,過火言論比性感打扮更出位,凡有大新聞都會加把口打「落水狗」,四圍辣火頭。
倪震被踢爆偷嗒城大學生張茆,石詠莉直指倪震偷食「衰格」,兼且大爆對方數年前曾邀約遊船河,「希望佢以後唔好亂咁上facebook add人,如果佢個婚禮需要人表演,我免費唱歌助興又點話?」
09年5月
擔任《美女廚房》嘉賓,在節目中炮製「大良炸鮮奶」,評判兼主持的方力申試味後覺得太鹹,石詠莉爆出一句:「咁咪似你囉!」方力申被啄正死穴,即時反擊:「啲奶假o架!」令現場充滿火藥味!
09年7月
出席活動時大談已故巨星Michael Jackson,譏諷圈中人借死人做宣傳,「有啲人好假,人都死咗就要尊重人,個個都認佢係偶像,唔係真係鍾意MJ就唔好借佢出鏡。」
09年8月
o靚模Lavina被發現與衣架大王之子William撐枱腳,石詠莉怒斥Lavina放料,出席首映時喪鬧:「覺得有人好卑鄙,出賣朋友好討厭,唔該嗰個人收斂吓!」
![石詠莉扮Fans踩師妹 雨僑(羽翹):佢心知肚明圖片7](http://hk.next.nextmedia.com/images/next-photos/NextMag/1034/640pixfolder/E1034-13F/DSC_1324.jpg)