台慶亮燈儀式，為台慶連串慶祝盛會揭開序幕，亦是一班女藝人鬥性感、鬥行頭的「戰場」，不過昨晚佔不少花旦的《宮心計》都着戲服出場，無機會騷養眼身材，拋胸火辣辣場面欠奉，因而造就了DeepV上陣的楊秀惠和湯盈盈，成為現場焦點，而鍾嘉欣則以低胸吊帶晚裝出場，總算突破其乖女形象。
事後湯盈盈表示，估不到自己如此性感：「我試衫試咗五分鐘，但出嚟效果好有驚喜，（做足防走光措施？）黐晒膠紙啦，（嘉樂有冇讚你靚？）有，吳家樂嘛！」
花旦錫身不騷身材，令現場氣氛暗淡無光，小花陳敏之憑價值600萬元的60卡閃爆鑽飾獨佔鰲頭，就連敏之都覺得自己高貴了很多，揮低向來富泰，但昨晚只佩戴450萬元藍寶鑽飾的鄭裕玲。穿BCBG的低胸晚裝的敏之大口氣說：「上次台慶我都戴咗成千萬珠寶，今年600萬啫！」
