傅穎（Theresa ）日前出席澳門騷時突然淚流滿面，前晚她解釋因近日承受很大壓力，試過喊足廿四小時，曾患有輕度抑鬱的Theresa 更揚言要搵醫生求救。
對自己要求高
Theresa、何韻詩、胡杏兒、關智斌（Kenny ）及大陸演員孫祖楊前晚欣賞舞台劇《你咪理，我愛你，死咪？》，問到Theresa 心情是否好一些？她說：「因為自己要求好高，我知係自己問題，今日返公司，黃
高都話我唱得好好，係我少少出錯就會好自責。（怕唔怕有精神病？）上年出寫真都試過有輕度抑鬱。（睇醫生？）有諗過，亦覺得需要。」
阿詩帶貓結紮
至於阿詩日前忍痛帶了六歲貓女做結紮手術，並形容這是人生大事，她說：「真係好擔心，近日開始發現全屋企嘅貓都有精神病，其中一隻仲有精神緊張。」阿詩續說：「個獸醫係我表哥，佢留低隻貓嘅子宮畀我睇，好異常。」
而Kenny 對於好友李逸朗到日本工作遭海關翻箱倒篋，他說：「大家唔好敏感，只係抽樣檢查。」
文：音樂組
Theresa 揚言有想過就自己的情緒問題求醫。
