傅穎早前被指搭上皮草太子王大業。
《壹週刊》圖片
【《蘋果》專訪】傅穎（Theresa）入行以來是非一直停不了，跟Cookies舊隊友不和、變臉、驚爆被舊愛羅仲謙暴打，近年孤身轉戰內地發展，捱過很多辛酸，早前公開有內地男友，但先被質疑是隱形男友，後又被指搭上皮草太子王大業。Theresa不想再被屈，日前在觀塘接受本報專訪，公開男友的身份，原來他是蒙古人，比31歲的Theresa年輕3年。
大男三年
Theresa坦言兩人在片場認識：「我拍戲時佢嚟現場，開頭對佢冇乜特別感覺，佢買咗我以前啲書，睇到寫愛情覺得好touching，佢幾錫我，唔係有錢人，冇背景。」她將於今年書展出新書《向上生長，長成自己喜歡的模樣》，內地藝人安琥寫序，踢爆Theresa的男友身份：「那個男孩兒只是個北漂，一個追著電影夢的小夥，既無背景也無資歷，甚至也沒甚麼財富！」
年紀比男友大3年，兩人不介意姊弟戀？Theresa說：「呢樣𠵱家已經好普通，我哋都有諗結婚，但唔係成日講。」問到男友鍾意電影，是否娛樂圈人？她說：「同呢行有關，總之有一日啱時間，會帶出嚟見大家。好多人話蒙古人飲得，但佢一啲都唔飲得。我鍾意佢好照顧我，感覺到喺佢心中，我係好緊要。」問到男友是否很靚仔？她笑說：「OK，眼大大。」問到上段戀情有否陰影？她坦言：「我覺得一定有啲影響，但當我重新再拍拖，尤其同呢個男仔感覺好似初戀。」
傅穎自爆在片場認識蒙古人男友，並指適當時候會帶他出來見大家。攝影：陳志嵐
傅穎將於今年書展推出新書，大談與男友的相處。
近年轉戰內地拍劇的傅穎，坦言最初半年未能適應。《通天狄仁傑》劇照
內地辛酸
Theresa除了在書中講到跟男友的相處，也提到過去3年在內地的辛酸，又說到北京半年依然未適應：「當時我普通話唔係咁好，可能內地好多人講嘢好婉轉，我聽完好唔明白佢想講乜，覺得有啲無助，成日都失眠。」
撰文：余燕儀
髮型：Nichol of Hair
場地：The Wave
服裝：Blended_lab
from:
http://hk.apple.nextmedia ... 160704/19680148
