身在北京嘅傅穎坦言斷背緋聞連累咗好朋友。資料圖片
曾自爆被舊愛羅仲謙虐打嘅傅穎（Theresa），近年頻傳被富二代追求，早前Theresa終承認戀上內地男。不過，有雜誌就爆Theresa其實搭上年約40歲嘅內地富婆郭妮，上月中陪遊韓國預支蜜月，一個donut兩份食，郭妮仲以月租4萬喺貝沙灣築愛巢云云。
郭妮喺社交圈上載同男友合照，仲話無啦啦多咗個富婆女友。互聯網圖片
韓國傾生意
噚日身在北京嘅Theresa喺電話否認斷背：「梗係唔係真啦，佢係好好朋友，嚟緊有工作一齊做，經常會見面。」問到點解同遊韓國？佢話：「其實我哋呢個trip都去得好倉卒，咁啱有個廠家喺韓國，我哋飛過去同佢傾，逗留時間真係好短，佢朝早好肚餓喺明洞搵嘢食，咁啱俾人撞到囉。」
今次Theresa無辜連累好友，都覺得唔好意思：「佢有男朋友啦，基本上我同男友跟佢同佢男友都認識，傳出呢個新聞真係好搞笑，自己睇到冇乜大感覺，但朋友慘啲，年紀輕輕俾人寫係40歲，佢始終唔係圈內人，呢啲新聞對朋友影響比較大。男友都有笑我哋，大家講笑咁講，以後同我出街要小心啲。」
而郭妮就喺社交圈貼男友合照，留言：「今日無啦啦多咗個『女友』，還變了國產貨，仲老了十多年，那你算甚麼？」
撰文：馮仁昭
馮仁昭
from:
http://hk.apple.nextmedia ... 160225/19504110
