西貢被稱為香港後花園，一到假日，外來遊人絡繹不絕。不過一家幾口出海玩完食餐海鮮，閒閒哋$2,000 冇走雞，當下金融海嘯，都咪話唔
。其實只要識捐窿捐罅，西貢一樣有價錢相宜的特色食品，今次〈食玩一程〉就同大家殺入村屋，歎一歎由印度人主理的正宗印度菜，想有啖好食？Follow me 。
設計依足印度當地西餐廳模樣，店內約可容納40 人。
設有戶外露天茶座，在這里歎番個lunch ，幾寫意。
老闆Ram 入廚超過22 年，煮印度咖喱是他的強項。
今次介紹畀大家的Village 印度及東南亞菜館位於西貢普通路油
莆街，單講街名大家可能唔知喺邊，其實佢正正坐落於滿記甜品轉角的小路之內，車友沿西貢公路直去，未到滿記轉上少少斜路的油
莆街，便可以將車泊喺隱蔽公共表位，唔使次次喺滿記對面天后廟旁的公共位有排等。外觀上Village 只是一間普通700 呎三層高的村屋，沒有大大個霓虹招牌，若非有一個印有餐廳logo 的軟篷及放有露天餐桌，你會以為它是一所私人住戶，進入餐廳，才驚覺別有洞天。
老闆Ram 本身是位大廚，入廚超過22 年，16 年前隻身由印度飛來香港，進軍餐飲業，現已在屯門及西貢擁有自己的食肆，雖然他不懂中文，但太太與兩個孩子亦已移民來港，他早已視香港為第二個家。自己亦是西貢居民的他，有感於西貢美食雖多，但偏偏卻沒有一所好吃的印度菜，他正正睇中發展空間，便毅然租下一幢三層村屋，實行上居下鋪。這里的消費可算十分便宜，平日一個咖喱set lunch 加白飯餐飲，唔使$40 有交易，分分鐘平過重慶大廈。
香蕉薄餅$28
作為餐前頭盤，呢味香蕉薄餅絕對值得一試，菜式雖簡單，但要做到入口煙韌之餘不帶油膩，唔容易。
串燒拼盤$128
以碳爐將雞髀肉、羊肉卷、龍
柳燒至金黃，再用鐵板乾煎上枱，吃時加一點檸檬汁可減低熱氣，羊肉卷咬落煙韌有口感又唔羶，幾好味，雞髀肉外脆內軟，勁惹味。
芒果乳酪$32
自家製乳酪加入鮮芒果攪作沙冰，初入口，會被一股陌生的酸味嚇親，喝多兩啖，你便會感受到帶有芒果味的酸奶是多麼的冰涼清新，愈飲愈開胃。
印度奶茶$26
印度菜普遍味道濃，印度奶茶加入香草及薑汁，正好中和了咖喱的油膩感，妙。
特色雞王炒飯$65
印度黃飯以猛火炒熟，加入滑雞柳再以烚蛋伴碟，勁香勁惹味，加少少咖喱汁，更佳！
馬來椰汁咖喱牛$65
咖喱可選大、中、細辣，馬來咖喱帶有椰香，用來點油鬆餅（$18 ）吃更勝撈飯，難得的是牛肉被炆得非常腍，入口又滑又香，並非坊間的「牛肉乾」咖喱可以媲美。
老闆推介
香蕉伴印度雪糕$32
筆者一行人飲飽食醉，正想鬆人之際，老闆Ram 卻攔喺我，硬要我試他們自家製的印度雪糕，老實講吃雪糕我亦不會有什麼特別期望，誰知一入口這款雪糕卻叫我暗暗稱奇，味道似溶了的大白兔糖有豐富的煉奶味，不過最特別之處是它有如吃New York cheese cake 的口感，入口要大大力咬落去，雪糕落入口中，並非即溶，而是要你一啖一啖咁咬，夠特別，有驚喜。
Village
地址：西貢普通路1 號E
電話：2791 2525
營業時間：Mon-Sun （11:00-15:30 ，18:00-23:00 ）
油
莆街表位較隱蔽，假日較容易泊到位。
賽馬會高爾夫球場設有露天停車場，每小時$10 。
據當地居民稱，在夏天潮退的時候，可以途步行到對開的小島上，可以拾到很多海星。
泊低車，沿西貢海傍廣場，行約10 分鐘便可到達沙下海灘。
吹吹海風散散步
飽餐一頓上車即訓，隨即肥死你，一場來到西貢就算唔出海玩水上活動都要四處走走。情侶拍拖，一家大細加隻狗，計我話最好便是到西貢海傍廣場沿住西貢海吹吹風、散散步。廣場近大網仔路附近，更有一個人煙稀少的沙下沙灘，想兩口子談談情漫步沙灘，呢度咪夠晒靜囉！
