早前因斷十字韌帶入院的石詠莉日前秘密出院，更獲緋聞男友李彩華細佬李健中（Ray ）護送，他全程扶實Sukie ，更拉她到花店睇花，但「好事」被fans 撞破，令二人非常尷尬。
Freeze成員石詠莉（Sukie ）因斷十字韌帶入院治療，除工作受影響外，更要在病房內過情人節，不過這段日子Sukie 和緋聞男友Ray 感情大增。
周一（23 日）中午時分Ray 秘密護送Sukie 出院，他扶實撐著拐杖兼素顏的Sukie 步出仁安醫院大門，更有男士風度地為伊人攞手袋。雖然Sukie 走路一拐一拐，但在壯男相伴下，笑容滿面，兩人有講有笑，Ray 可能想為Sukie 補祝情人節，她甫出院即到附近花店睇花，十分細心。
fans 撞破「好事」
不過二人的「好事」即被撞破，兩位準備探望Sukie 的男fans 上前向他們打招呼，並向Sukie 送贈鮮花和龜苓膏，Ray 即時尷尬得彈開，站在一旁望著fans 。記者致電Sukie ，她卻否認戀情及拍拖：「佢只係我請番嚟嘅工人，哈哈！我住院嘅時候佢成日都有嚟探我
。」不過她說情人節當晚Ray 竟然沒有探望她，要她獨個兒在病房過情人節，Sukie 笑言：「到依家我仲嬲緊佢呀！」
文：專案組
Sukie 甫出院，Ray 即帶她去買花，
晒啦！
「工人」代Sukie 挽手袋。
Sukie 和Ray 好事被fans 撞破，非常尷尬。
Sukie 撐拐杖出院，有Ray 相伴，臉上掛著甜笑。
