老友Johnny 最近打籃球唔小心跌斷咗右手，因為打咗石膏固定斷骨，所以被迫放假喺屋企休息，我哋成班朋友去探病，發現佢適應唔到打石膏，成日都似個機械人咁唔敢亂郁，見到佢咁辛苦，我特登喺醫管局健康資訊天地嘅網頁，搵咗嘅石膏護理嘅小貼士，順便同大家分享吓。
未乾透忌簽名畫[龜好多人都會問點解要打石膏？石膏要打幾耐？可唔可以濕水
等一大堆疑問，其實喺骨折復元期間，須要將復元中嘅骨骼固定，好番之後骨頭先可以保持原狀，所以要用石膏防止移位。
打石膏有好多禁忌要注意，好似石膏要一至兩日先完全乾透，其間千祈唔好放硬物喺石膏上面，朋友嚟探病更加唔好急住喺未乾嘅石膏上面寫字簽名畫[龜；敷石膏初期因為化學作用，最初會覺得有嘅熱，後嚟會有嘅冷，呢個過程對骨折癒合無影響。
石膏要敷幾耐因人而異，一般要幾個星期，為咗唔好整壞
石膏，記得唔好濕水。如果係整親手，可以盡量將受傷部位保持喺高過心臟嘅水平，有助血液循環預防患處腫脹，無打石膏嘅關節要保持活動，唔好做機械人，影響晒全身嘅靈活性。
原來打住石膏骨折都有可能惡化，如果發現骨折位置有劇烈或者持久嘅痛楚，又或者手指、腳趾尖有持久針刺同麻痹感覺，或者變腫、變藍或變蒼白，石膏又有異物或液體流出等等嘅情況，就要盡快睇醫生。
