■唔只鍾意喺度食，仲想喺附近開舖。
大坑多創作人出入，時裝設計師陳刀也是其中一個，無論是Cafe Shop 還是大牌檔，食到熟，自稱是住家男，所以略懂一二。訪問前，他和少爺占才吃過有名豬扒荷，平日也見at 17踩單車走過自己吃意粉的地方，或是遇上Fingercroxx 的Wallace ，記不起那晚林一峰跟父母又在某店食晚飯……
記者︰陸俊雄
攝影︰伍慶泉
■次次嚟親，陳刀也會飲荔枝可樂，售價$36。
大坑不要旺
社會行精英專門制度，分工仔細，但不等於生活就是單一枯燥。今日與陳刀走進大坑，時裝暫且放下不提，腦中只有一個食字。其實人人也可以是食家，即使只精一道菜，也是經驗之談。
「我覺得，唔係真潮嘅人真喺唔好嚟。」講完陳刀也笑自己衰格，驚出旺角會被人打。「當一個地方稱為潮之後，就已經變得唔潮。」言下之意，是不想好好一個靜中帶旺的大坑被外人佔據。「好多Artist 、導演、Model 、時裝人都喺度食飯，一來地方乾淨舒服，二來係無人騷擾。」他總愛晚上10點後才跟朋友到來，算是尾水，因為第一次食在大坑是來飲夜茶，同輩也習慣同時間出沒。
Cafe on the corner ：白酒蜆意粉
要陳刀數在大坑食得最多的，一定是Cafe on the corner 的白酒蜆扁意粉。這小舖4年前左右出現，是大坑第一間Cafe 。陳刀自中六就常吃意粉，因當年女友經常下廚。到現在，他仍習慣先將意粉打個圈放落煲，然後用細火煮10分鐘，「水唔夠熱會黏底，意粉唔過冷河又會好Gel ，我食意粉一定要食硬，唔食白汁。這店的意粉最正就係咁，唔會軟腍腍，而且用扁意炒，硬度適中。」他把意粉分類：軟是港式，硬是日式，「我特別鍾意去日本食意粉。有次在下北澤拍嘢，日日牛肉飯勁慘，最後去了一間出名食意粉的餐廳，終於明白甚麼叫努力後的回報。」
廚師解釋，攪鬆意粉等凍的過程好重要，其間加入欖油，可令意粉不會黏住，再自然風乾，不加冰不加水，因為加水易令荷條變腍變壞。這里用沙巴蜆，新鮮、即買即煮，Size 則選中等大小的，「外面食蜆太細隻，一係煮得太熟，我一遇要花時間咬的食物，就會牙肉痕。」他的煮法往往是一見蜆開蓋即上碟，這店也一樣，開蓋後剛熟。沙巴蜆本身鹹味夠，而且鮮甜，連鹽都唔使落。
■自開業已經有的白酒蜆扁意粉，售價$88。
■說的中Size 蜆，是一隻大叉前端咁上下Size 。
■其實此店向來都不願接受訪問，因為怕外來人太多，破壞Home Feel 。
Cafe on the corner （28827135）
大坑京街4號地下
炳記：開心豬扒丁
食飯睇心情，陳刀自爆唔開心想靜時，亦會選擇如Cafe 般有Home Feel 地方。「最近發展緊段異地情緣，好苦惱，前幾日先落過嚟Hea 。」但如果想開心熱鬧，就會過附近炳記食豬扒丁。這大牌檔早成了名人食肆，陳刀早前才碰到發哥。
一說到此店豬扒，他即記得阿媽教落：「先用刀脊打腍塊豬柳，秘製醃法是用生粉、生抽，唔用鹽，加糖、麻油、豆豉、蒜頭，再用少許薑茸，雪一段時間。」陳刀說炳記與陳家秘傳相若，夠腍有肉汁，一定醃過夜。最聰明是碎上入味，色澤一流。「試過其他豬扒白雪雪，有時仲用雞蓉湯，想點？但我懷疑佢哋近期用大光荷代替丁荷，我自細食到條腸膠晒，一食就覺有出入。」食得開心還開心，陳刀說大牌檔傾偈反而要細聲，始終品流較複雜，嘿嘿。他重複說「陳刀最佩服個荷」，因為就算講完幾次電話，荷質都不會變腍，十分神奇。
■馳名大坑的炳記豬扒丁，售價$21。
炳記（25773117）
大坑施弼街5號側
