胡杏兒這襲中門大開的低胸裙，成為全場焦點。
胡杏兒近期開始向名牌送秋波，經常亮相時尚活動，昨日她更以入行以來最性感的搏殺開胸裝，回饋名店多次贊助，十分識做，連同場的徐子珊都對她的身材俯首稱臣，胡杏兒也害羞地讚自己：「勁勁哋啦。」
徐子珊（左）指胡杏兒的性感打扮，令她心跳加速。
裙子有走光風險，故胡杏兒不時低頭視察一番，十分小心。
胡杏兒、蔡卓妍（阿Sa ）、徐子珊和張玉珊等昨日在中環出席Kenzo 時裝騷，胡杏兒全場最性感，Deep V 裙大開中門，連阿Sa 行過都讚她說：「真係勁呀！」徐子珊則跟胡杏兒開玩笑，指要做她保鑣，又說：「今日睇到我心跳加速，一早起身見到呢啲嘢，好勁！真係令人心曠神怡。」
新加坡名模Denise Keller 以單肩裙撐場。
真材實料非谷胸
胡杏兒透露服飾由大會安排，她指代理Kenzo 的名店The Swank ，多年來都贊助她，她說：「今次係入行以嚟最厲害嘅一次，因為Swank 贊助咗我好耐，又借靚衫我去台慶。」當記者告知阿Sa 讚她勁，胡杏兒帶幾分害羞地說：「勁勁哋啦，我今日上身唔郁得，只可以郁下身。」
是否谷胸效果？胡杏兒說：「冇呀，係自然效果。我做足安全措拖，出門前左照右照，上照下照，大家唔會睇到唔應該見到嘅嘢。」她謂滿意自己的身材，也不抗拒更性感。問她是否會走性感路線？杏兒說：「公司好多人走㗎啦，我唔會喇，我鍾意男仔頭多啲。」
子珊節食著泳衣
對於杏兒的驕人身段，連同場的徐子珊也自愧不如，她說：「我一向冇乜睇頭，冇咁嘅質量著，都好羨慕佢，我主力其他部份，好似露背同腰咋。」《溏心風暴之家好月圓》即將會播出她穿三點式泳衣，子珊說：「都好大心理關口，但唔尷尬，著過排都節食咗兩三日。」
