徐子珊指外籍新歡過試用期：決定炒咗佢

徐子珊離開大台後，專心發展自己的珠寶生意，雖然幕前工作比以前減少，不過生活似乎比做藝人更加開心，昨日有報導指她在朋友的介紹下，與同樣愛跳舞的外籍男模Moni Demirov戀得火熱，早前她更與Moni齊齊返男方的家鄉西班牙見家長，其後他們二人不時在Instagram貼合照曬恩愛，當時已經有不少網友留言問子珊是否他的女友，兩人亦未有否認關係。於本月初，Moni更不避嫌陪子珊出席活動，但當時子珊否認兩人是情侶關係。

徐子珊於本月初孖Moni現身品牌開幕活動，當時已被問到兩人是否情侶關係。資料圖片

子珊昨日返港前，在大馬機場否認與Moni發展，指只是上司和下屬的關係。

子珊日前在大馬登台，載歌載舞。

堅稱是姊妹

剛剛在馬來西亞與唐詩詠等人登台的子珊，昨日被問到與Moni的關係，她在電話上哈哈大笑地說：「當然唔係拍拖，嗰啲合照、好多嘅旅行合照，基本上係『姊妹』合照，你話姊妹有冇機會發展？哈哈哈！」其後她在機場接受訪問再說：「嗰個係我下屬，幫我做緊啲珠寶品牌嘅嘢，不過𠵱家傳咗呢啲新聞，本來佢已經過咗3個月試用期，但係我決定炒咗佢，即刻送一張單程機票畀佢返屋企！」

子珊亦否認自己跟男方回西班牙探親，她指當時只不過是去旅行，提到兩人的親密合照？她笑說：「『姊妹』係咁喇！你覺得『姊妹』會唔會拍拖？」問到會否接受與外籍人士拍拖？她說：「我又冇話規定自己一定要中國人又或外國人拍拖，我自己又冇乜所謂，但係咁耐以嚟又未試過同外國人拍拖。」問到她會否心急拍拖？子珊坦言：「我自己唔心急，追求者一定會有，但係我覺得唔需要揀住，我唔一定要結婚。」

男方急閂閘

此外，Moni昨日亦接受本報訪問，他否認是子珊男友，大家只是工作上合作，工作性質是珠寶promotion manager。對於被傳是「子珊男友」，他稱自己感覺很funny，還坦言目前是單身，但只是朋友關係，沒有發展機會。

採訪：唐琛悠、嵐山
from:http://hk.apple.nextmedia ... 160414/19569812

徐子珊認為吳家麗無論一舉手一投足都很性感。

徐子珊、趙式浩、郭偉亮（Eric Kwok）跟陳嘉桓昨日在中環，出席S.T.Dupont跟Marvel（漫威）聯合舉行的產品發佈會。徐子珊穿上火紅色貼身裙現身，被問到性感的定義時，她說：「性感見仁見智，本身冇諗過性感呢兩個字可以放喺自己身上。吳家麗家麗姐就可以用，之前同佢合作，佢一舉手一投足都好性感。」她笑言有客戶已邀約出席年底的倒數活動，但就指名要她現場唱《Hit Me》，子珊表示還在考慮當中。陳嘉桓則以露背裝性感現身，她透露剛完成一部內地網劇，她說：「第一次拍古裝戲，個頭套戴成10幾個鐘，好重，搞到𠵱家個頭都仲痛緊。」

採訪：盧妹
攝影：葉君海
from:http://hk.apple.nextmedia ... 160422/19580855

千億新抱徐子淇（Cathy）穿盡奢華名牌晚裝靚衫，但也偶然會卸下華麗打扮，以樸素形象示人。

Cathy星期一出席「香港救助兒童會」的慈善活動，分享尼泊爾之行的探訪經歷。Cathy就少有以一身OL裝束示人。她以白色鬆身恤衫配一條卡其色闊身culottes，襯一雙白色矮踭鞋。在OL必去的Zara、COS，以至大眾喜愛的平價時裝店Uniqlo都會找到相近style的服飾，一眾港女想以平民價襯出這個造型真係easy job！
from:http://hk.apple.nextmedia ... 160428/19588928