上周五（19日），湯盈盈出席一護膚品牌宣傳活動時，仍然被記者追問同錢嘉樂嘅感情事，佢笑到合不攏嘴，嗲到暈咁猛話「唔知呀！」
好多藝人都怕傳緋聞，驚影響形象喎！其實，水能覆舟，當然亦能載舟啦！
好似湯盈盈咁，自從今個月初俾《忽周》爆佢錢嘉樂拍拖後，短短半個月，搵佢出席嘅宣傳活動就有四、五個，每次出現都成為焦點，人氣大增之餘仲搵唔少真銀。
媽咪姐收到風，喺某一活動上，湯盈盈撞到報道佢緋聞嘅《忽周》記者，佢不但唔嬲，仲嗲勁十足，笑到四萬咁同記者講：「好衰㗎你哋！」唉，唔怪得樂樂咁冧啦！據知湯盈盈最近調整咗身價之外，仲學當年嘅陳豪、廖碧兒咁，將佢同樂樂孖住做騷嘅第一次待價而沽添！
7月11日奇華餅家70周年晚宴
7月8日Dermalogica 宣傳活動
7月5日奧海城商場宣傳活動
一個星期唔夠，湯盈盈已出席咗3個活動。據知之前佢出席呢啲場合，酬勞5千左右，依家升咗50％。
