張可頤等做億萬曾太

張可頤等做億萬曾太
30/06/2008

38歲張可頤與中年億萬金融才俊曾安邦拍拖數月已打得火熱，雖然女方向外宣稱只屬朋友關係，但日前二人在上環甜蜜睇傢俬，情到濃時當街親熱時卻斷正，難怪有指他們已打算結婚，張可頤出嫁有期，隨時搬入豪宅做女主人。

張可頤三個月前為無 拍攝《更上一層樓》走訪超級豪宅，因而結識年約42歲金融才俊曾安邦（朋友暱稱ＯＢ曾），二人短短日子已打得火熱，更有指已達談婚論嫁階段，惟當可頤被問到戀情時，卻聲稱彼此只是朋友。

可頤與口中這個「朋友」的關係，卻原來絕不簡單！上星期四，本報記者在上環歌賦街撞見可頤與ＯＢ曾翹手行街，情到濃時更親暱得儼如「脆麻花」。

女方幫口迫供
當晚八時左右，ＯＢ曾駕駛紅色跑車載 女友張可頤到達上環歌賦街，下車後即沿路旁兩邊漫步看家居精品店，期間二人的舉動相當甜蜜，行路時亦將身體靠得緊緊，ＯＢ曾不時攬實女友纖腰，而張可頤亦翹實男友，可能二人貼得實在太緊，可頤覺得有點熱，索性脫下深色乾濕褸，露出花花背心，十分性感。

直至他們步至九如坊準備搵餐廳撐 腳時，記者走上前拍照，ＯＢ曾立即彈到九丈遠兼擰歪面，張可頤則保持笑容。

由於拍拖事敗二人急忙取車離開，記者沿途問ＯＢ曾是否為愛巢添置傢俬，他甜笑低頭不語繼續向前行，但一問到早前報館收到告密信指他原本有一名拍拖十年的未婚妻，ＯＢ曾即戚戚眉，反而女友張可頤在旁幫口大迫供，竟對記者說：「佢唔答你喎！」至於問到她與ＯＢ曾關係，更有指打算結婚，她亦答得好「行」：「我 係朋友。」搞到ＯＢ曾聽見忍不住陰陰嘴笑，之後他們刻意駛入馬會停車場，擺脫記者追訪。

購物消磨時間
另外，張可頤數日前獨自在Soho 行街，雖然男友大把身家，卻慳家睇減價貨，只見她進入正在做六折優惠的時裝店，並一連試了多件衫，但揀不到心水。後來她索性駕車過海往尖沙咀睇飾物，生活十足「闊太」，以購物消磨時間。