為咗將免費電視牌照攞到手，王維基無論港聞抑或娛樂版，都想盡辦法搏見報，大龍鳳派員工攻佔施政報告同財政預算案諮詢會，製造輿論壓力，逼政府講清楚幾時發牌。上個禮拜二（十二月四日），又call齊全台一百八十八位藝員開晒冷記者會，王維基更公開台徽以及電視台會改名做「香港電視」。
幕前幕後一齊發功，最功不可沒係班女藝人，低胸嘅低胸，露背嘅露背，老中青無論咩年齡都奉旨賣肉。身為「香港電視」一姐，張可頤難得心口deep V，就連黃日華囡囡黃芷晴都谷胸上陣。
睇肉戰術唔一定個個都啱胃口，已經六十六歲嘅陳曼娜，著住件露背露腿拉丁舞戰衣露埋一份，加埋個紫紅假髮，重口味到呢！
43歲一姐cup數張可頤、黃日華兩位「香港電視」一姐一哥孖住出場，難得四正嘅火爆華，點都唔及低胸張可頤搶鏡
23歲青春肉女~童星出身嘅「美琪BB」黃美琪，班高登brother一早就睇得出佢禾稈冚珍珠，呢日證明果然冇錯。
66歲老薑晒腿
其實六十六歲陳曼娜保養得唔錯，但，唔一定要騷俾人睇啫！
換拍檔
夏雨過檔香港電視，拍檔唔再係李司棋，而係鮑姐鮑起靜。
扮教主
王維基戴住掛耳無線咪親自上台講解「香港電視」架構，一睇就知佢扮緊叮咗嘅「蘋果教主」喬布斯。
