【今日我至Out】林保怡同張可頤之前鬧爆無綫有手尾，雙雙被out出視帝視后名單，冇得留低。資料圖片
【萬千星輝頒獎典禮2012】無綫台慶頒獎禮將於下月17日舉行，早已落實選定十強由觀眾一人一票選出視帝、視后，各候選人已開始積極拉票，雖然候選名單在21日才正式公佈，但在初步擬定的入圍名單中，依然親疏有別，鬧爆無綫的林保怡及張可頤被拒諸門外。
無綫將於下周三（21日）公佈各項入圍名單，視帝、視后及最佳劇集將由觀眾一人一票選出，先由無綫內部投票選出十強作候選名單，最佳劇集是去年播映的24部劇集自動列作候選，包括熱播中的兩大台慶劇《名媛望族》和《大太監》、《怒火街頭II》、《回到三國》等，被網民視為神劇但遭無綫冷待的《天與地》亦入圍。
視帝、視后初步擬定的候選人包括親生仔女鄭嘉穎、陳豪、胡杏兒、徐子珊、楊怡等，非親生但關係好的黎耀祥、佘詩曼、米雪亦有得留低，惟獨曾鬧爆無綫的林保怡及已做了城電一姐的張可頤就榜上無名。
■《天與地》被網民捧為神劇，有份角逐最佳劇集。劇照
■米雪與黎耀祥在《大太監》的演出，令他們有份進入十強。劇照
■佘詩曼雖然不是無綫親生女，但關係良好，所以有得入圍視后。資料圖片
投票延長時間對於林保怡十強不入，無綫非戲劇製作總監余詠珊昨在電話中說：「我哋有好多個評判，每個人揀邊啲人入圍都有自己諗法，我哋係用計分方法，冇話邊個得邊個唔得。」
由於早前港姐普選搞到冧Server為人非議，余詠珊透露今次一人一票選出的三個獎項，投票日期會由下月10日至17日進行，觀眾有足夠時間進行投票，或有可能新增一些具鼓勵性的獎項。記者致電在內地發展的林保怡，截稿前未聯絡上。
另外，朱晨麗昨日在電視城為明天的台慶綵排受傷，她表示或要改做簡單的表演，所以感到可惜。
