林保怡拍ViuTV大滿足答應拍續集俾瑪嘉烈呃傷心到喊

林保怡表示太入戲，收工返家後都會掛住周家怡飾演的瑪嘉烈。劇照
【ViuTV發圍】
講述港式愛情故事的ViuTV劇集《瑪嘉烈與大衛系列綠豆》自開播以來，外間反應不俗，不少網民看後大讚手法破格創新，不必再忍受無線的膠劇。最近ViuTV已落實以原班人馬開拍續集，昨日問男主角林保怡是否答應演出續集？他承認已收到通知，原則上是樂意演出。

保怡自從飾演了《瑪》劇大衛一角後，他表示幾乎去到哪裡都會聽到有粉絲叫他做大衛，未想過角色如此深入民心，他說：「《瑪嘉烈與大衛》續集我係有興趣演，因為套劇嘅拍攝手法同一般好唔同，演員參與度好高，有好大滿足感。早幾日我同周家怡（飾演瑪嘉烈）拍咗場感情戲，劇本冇要求我喊嘅，但正式演嗰時，我覺得瑪嘉烈唔應該講大話呃我，所以我傷心到喊，呢場戲拍得好自然，導演一直冇叫cut，畀我自由發揮。」

保怡謂拍這個劇很開心，幾乎每天都在現場萬歲，對角色投入也是前所未有，他說：「我從來未試過入戲咁深，真係要多謝ViuTV搵我演呢齣劇，仲將大衛呢個咁有發揮嘅角色畀我演。」

廖碧兒日前接受ViuTV訪問，大讚《瑪》劇劇本夠寫實。

林保怡指心愛的雪橇犬阿水康復情況好好。資料圖片
湖南衛視邀開戲

最近湖南衛視有套人與狗感情的電影邀保怡演出，但他未決定會否接拍：「我仲考慮緊，講人同狗嘅故事，我應該會有興趣嘅。但都要睇嚇有冇撞ViuTV套劇。」問保怡最近其8歲雪橇犬阿水康復情況如何？他說：「佢好好，不過唔知點解阿水聽到電視播國歌，佢就算瞓緊覺都會即刻醒，然後跟住音樂唱歌，唱完又會即刻瞓番，好鬼搞笑。」

此外，有份演出《瑪》劇的廖碧兒，日前接受ViuTV訪問，談到為何會接演該劇時，她表示：「因為覺得劇本夠寫實，每個人喺戀愛中都會面對過劇中嘅情境，自己亦唔例外。感情事方面，我希望能順其自然，唔抗拒閃婚。」

採訪：鍾國仁
from:http://hk.apple.nextmedia ... 160529/19632276

林保怡拍《瑪嘉烈與大衛》時要喊足分半鐘。

視帝林保怡近日與周家怡為ViuTV拍攝的劇集《瑪嘉烈與大衛系列綠豆》，演技發揮得淋漓盡致，而上周二晚播出的第24集，飾演瑪嘉烈的周家怡因背叛飾演大衛的保怡後覺得內疚，於是與保怡分手，保怡返家後發現瑪嘉烈離開，又失落又傷心地落淚。這幕分半鐘的喊戲，獲不少網民大讚神級演技十分感人。

劇中周家怡因背叛林保怡導致分手。

對此保怡昨說：「好多網民睇完都喊，封咗我做神呀。嗰個鏡係一take過，多都唔得，我冇咁嘅功力做第二個take啦。現場都有好多拍攝嘅人員，佢哋都睇到流眼淚。」劇集後日大結局，對於劇情，保怡未肯多講，但就着大家留意字幕後會有數分鐘精采片段播出。

採訪：魯吉
from:http://hk.apple.nextmedia ... 160703/19679040

林保怡不滿ViuTV開拍《瑪嘉烈》續集，未有邀請他與家怡演出。

【ViuTV風雲】林保怡和周家怡自從為ViuTV拍攝劇集《瑪嘉烈與大衛系列綠豆》後，不時獲邀以拍檔形式出現，繼日前為鄭秀文拍攝新歌MV後，昨日二人又到紅磡出席長者探訪活動，𠱁得一班公公婆婆開心不已。

一班長者昨日被周家怡和林保怡𠱁得十分開心。

周家怡與林保怡主演的《瑪嘉烈》贏得不少口碑。劇照

ViuTV明年開拍《瑪嘉烈》前傳，可能再邀游學修（左）和林耀聲演出。劇照
「對我哋冇感情」

記者問保怡《瑪嘉烈》會否開拍續集時，保怡表示會拍，但卻沒有他與周家怡份，保怡有骨的說：「會拍，不過唔係我哋演出！我好想出現番，我覺得瑪嘉烈同大衛仲有好多嘢可以做，但𠵱家人哋唔搵，可以點呢？」保怡的演出令《瑪嘉烈》贏盡口碑，如今ViuTV未有邀拍續集，可覺得過橋抽板？保怡說：「睇你喺邊方面去睇，如果中國人傳統，古老思想就絕對係過橋抽板，雖然我係中國人，但我思想比較西化，所以冇所謂，完全冇hard feeling。佢哋冇搵我哋，我哋去敲人門咩！」

若將來ViuTV再斟合作會否考慮？保怡說：「錢畀到咪諗囉！好現實，邊有感情㗎，佢哋對我哋都冇感情。」記者指他有弦外之音，保怡即表示：「老實講，錢對我嚟講冇乜所謂。」那麼是否ViuTV邀請便計足錢？他說：「第一部我幫你打贏場仗，你畀兩個月餅我就算。」

與家怡拍住上

保怡透露將與周家怡繼續合作，現已找到監製及找人寫劇本，一切待年底公佈。據了解，ViuTV其實準備明年開拍《瑪嘉烈與大衛》前傳，並非續集，即由林耀聲飾演的後生版大衛與游學修飾演後生版趙子龍的故事，所以才未有邀保怡和家怡再參與演出。

採訪、攝影：黃曉妍
from:http://hk.apple.nextmedia ... 160911/19766850