林保怡救愛犬獲表揚

林保怡、黎諾懿及吳國敬前日在灣仔出席得寵香港十大選舉活動，獲頒獎座以表揚他們對寵物的愛心。保怡的七歲雪橇犬阿水，曾因後肢癱瘓險要人道毀滅，得到保怡的悉心照料後重新站起來，保怡說：「動物同人一樣有感情同思想，唔可以當做玩具，所以我平時都會用好多時間照顧佢，一齊行山、跑步。」

吳國敬昨日帶同的金毛尋回犬不斷四處走，國敬苦笑說：「佢真係好百厭，但我哋每一日嘅相處都係難忘嘅。」此外，黎諾懿就分享了家中養有兩頭拉布拉多犬和一隻貓的搞笑經歷：「兩隻狗超級活潑，試過將屋企全部傢俬咬爛曬，我仲以為俾人打劫。」

撰文：麥萍萍
from:http://hk.apple.nextmedia ... 150215/19042519

林保怡盡心盡力照顧患病的雪橇犬阿水，如今阿水已康復九成。攝影：沈健程
林保怡父親去年11月因肝病逝世，今個父親節，就剩下他與8歲雪橇犬阿水「兩父子」相依為命。阿水去年10月因為椎間突出，導致下肢癱瘓，險人道毀滅，但保怡未肯放棄，在醫生努力搶救及保怡悉心照顧下，阿水總算康復過來。日前，保怡帶阿水到狗餐廳慶祝父親節，阿水不時跑來跑去，見到保怡捧住父親節蛋糕時，更興奮到不停擺尾，然後兩、三啖便KO整個蛋糕，可見牠精神及健康狀況相當不俗。

阿水手術至今八個月，康復進展如何？保怡說：「未康復得晒，以前屋企係鋪地板，但因為佢我鋪咗地毯，佢會踩得實啲，對佢對腳好啲。𠵱家會帶佢去游水做物理治療，噚日游咗四、五次，比上一次好，上次佢直情唔想落水。我好開心佢康復到九成，只係左腳差啲。」

阿水不出三啖，KO了父親節蛋糕。

痛錫雙親冇遺憾

自保怡救阿水的報道出街後，阿水竟變成狗明星，保怡笑說：「佢𠵱家好紅㗎，畀番啲自由佢啦，工人帶佢落街真係有人認得，要求同阿水合影。阿水住院期間嗰段經歷實在太痛苦，𠵱家佢一見到藍色或者綠色衫嘅人走近，佢就驚，因為醫生同護士服都係藍色、綠色，可能係陰影。」

今日父親節，雖然林爸爸已經離開，但保怡未有太大感觸：「爸爸媽媽在生時，我都對佢哋好好，所以冇乜感觸冇乜後悔。」

撰文：戴彩煥
場地：Just Fun Club of Just Care
from:http://hk.apple.nextmedia ... 150621/19192104